kapatadhaari - పోలీస్ పాత్రలో సుమంత్
Monday,February 08,2021 - 12:09 by Z_CLU
సుమంత్ హీరోగా ప్రదీప్ కృష్ణమూర్తి కాంబినేషన్లో రూపొందుతోన్న థ్రిల్లర్`కపటధారి`. `సుబ్రహ్మణ్యపురం`, `ఇదంజగత్` చిత్రాలతో వరుస విజయాలను సొంతం చేసుకున్న సుమంత్ ఇప్పుడు `కపటధారి` అనే సస్పెన్స్ థ్రిల్లర్లో నటిస్తున్నారు.
కన్నడంలో సూపర్ హిట్టయిన `కావలుధారి` సినిమాకు ఇది తెలుగు రీమేక్. క్రియేటివ్ ఎంటర్టైనర్స్ అండ్ డిస్ట్రిబ్యూటర్స్ బ్యానర్పై కపటధారి చిత్రాన్ని డా.ధనంజయన్ నిర్మిస్తున్నారు. ఈ చిత్రాని ఫిబ్రవరి 19న విడుదల చేస్తున్నారు.
చిత్ర నిర్మాత డా.ధనంజయన్ మాట్లాడుతూ “కొత్త కథాంశాలతో రూపొందే చిత్రాలను తెలుగు ప్రేక్షకులను ఎలా ఆదరిస్తారో అందరికీ తెలిసిందే. ఆ నమ్మకంతోనే కపటధారి నిర్మించాం. సుమంత్గారు తన పాత్రలో అద్భుతంగా ఒదిగిపోయారు. నాజర్, సంపత్ రాజ్, జయప్రకాశ్, నందిత అందరి పాత్రలు చాలా ఆసక్తికరంగా ఉంటాయి. సీట్ ఎడ్జ్ థ్రిల్లర్ మూవీగా కపటధారి సినిమాను రూపొందించాం. చాలా ఏళ్ల క్రితం జరిగిన హత్యలను ఓ పోలీస్ ఆఫీసర్ ఎలా ఛేదించాడనేదే ఈ సినిమా కథాంశం. అన్ని కార్యక్రమాలు పూర్తయ్యాయి. సినిమాను ఫిబ్రవరి 19న భారీగా విడుదల చేస్తున్నాం“ అన్నారు.