సుకుమార్ బర్త్ డే స్పెషల్

ఆయన సినిమాలు అర్థం కావాలంటే మినిమం ఇంటెలిజెన్సీ ఉండాలి… ఎంటర్ టైన్ మెంట్ కి ఎగ్జైట్ మెంట్ యాడ్ చేసి పజిల్ లాంటి స్క్రీన్ ప్లే తో లాజికల్ గా సినిమాలు తీసే సుకుమార్ బర్త్ డే ఈ రోజు.

11 జనవరి 1970 లో తూర్పు గోదావరి జిల్లాలో పుట్టిన సుకుమార్ కాకినాడ లో కొన్ని రోజులు మాథ్స్, ఫిజిక్స్ లెక్చరర్ గా చేశారు. ఆ తరవాత డైరెక్టర్స్ మోహన్, వివి.వినాయక్ సినిమాలకు కథల్ని అందించిన సుకుమార్ ‘ఆర్య’ సినిమాతో దర్శకుడిగా మారాడు. ఫస్ట్ సినిమాకే బెస్ట్ స్క్రీన్ ప్లే రైటర్ గా నంది అవార్డు గెలుచుకున్నాడు. బన్నీతో ఆర్య, ఆర్య-2, నాగచైతన్యతో హండ్రెడ్ పర్సెంట్ లవ్, ఎన్టీఆర్ తో నాన్నకు ప్రేమతో సినిమాలు తీశాడు సుకుమార్.

ఇప్పటివరకు 6 సినిమాలకు డైరెక్షన్ చేసిన సుకుమార్, ప్రస్తుతం రామ్ చరణ్ తో సినిమాను తెరకెక్కించే పనిలో బిజీగా ఉన్నాడు. ఇంకా టైటిల్ డిసైడ్ కాని ఈ సినిమాలో రామ్ చరణ్ ని సరికొత్తగా ప్రెజెంట్ చేయబోతున్నాడు.

ఇండస్ట్రీతో పాటు అభిమానులు ముద్దుగా సుక్కూ అని పిలుచుకునే ఈ విలక్షణ దర్శకుడికి పుట్టినరోజు శుభాకాంక్షలు అందిస్తోంది జీ-సినిమాలు.