సెట్స్ పైకి రాని కొత్త సినిమా

అ..ఆ సినిమా వచ్చి చాలా రోజులైంది. ఆ సినిమా లాంగ్ రన్ కూడా పూర్తయింది. అయినా నితిన్ ఇంకా ఖాళీగానే ఉన్నాడు. తాజాగా హను రాఘవపూడి దర్శకత్వంలో సినిమా స్టార్ట్ చేసిన నితిన్.. ఆ సినిమా షూటింగ్ లోనే బిజీగా ఉన్నాడేమో అని చాలామంది భావించారు. కానీ అ.ఆ సినిమా షూటింగ్ కంప్లీట్ అయినప్పటి నుంచి ఈరోజు వరకు నితిన్ ఇంకా సెట్స్ పైకి వెళ్లలేదు.

హను రాఘవపూడి సినిమాకు సంబంధించి ఇంకా లొకేషన్లు ఫిక్స్ చేయలేదు. కథ ప్రకారం.. ఫారిన్ బ్యాక్ డ్రాప్ లో 90శాతం షూటింగ్ పూర్తిచేయాలని అనుకుంటున్నారు. ఆ లొకేషన్లు వెదికి, రెగ్యులర్ షూటింగ్ స్టార్ట్ చేసేసరికి… నవంబర్ వచ్చేసుందట. సో… నవంబర్ నుంచే నితిన్ సెట్స్ పైకి వెళ్తాడన్నమాట. అయితే ఈ గ్యాప్ లో మరో పని చేస్తున్నాడు నితిన్. కొంతమంది దర్శకులు చెప్పిన కథలు వింటున్నాడు. తనకు నచ్చిన మంచి కథల్ని పెండింగ్ లో పెడుతున్నాడు. హను సినిమా సెట్స్ పైకి వచ్చిన తర్వాత ఆ కథల్లోంచి ఓ సినిమాను ఎనౌన్స్ చేసే ఆలోచనలో ఉన్నాడు ఈ సూపర్ హిట్ హీరో.