హాట్ టాపిక్: అటు ఇలియానా.. ఇటు శృతిహాసన్

పవన్ వకీల్ సాబ్ సినిమా ఒక ఎపిసోడ్ మినహా షూటింగ్ పూర్తిచేసుకుంది. అది కూడా ఫ్లాష్ బ్యాక్ ఎపిసోడ్. ఇదే ఊపులో దాన్ని కూడా పూర్తిచేయాలనుకున్నారు. కానీ కాస్త లేట్ అవుతోంది. దీనికి కారణం హీరోయిన్ సెలక్షన్.

ఈ సినిమాకు సంబంధించి పవన్ ఫ్లాష్ బ్యాక్ ఎపిసోడ్ కు ఓ హీరోయిన్ కావాలి. ఆ హీరోయిన్ ఎవరనేది ఇంకా తేలాల్సి ఉంది. మొన్నటివరకు శృతిహాసన్ పేరు వినిపించింది. ఇప్పుడు తాజాగా ఇలియానా వచ్చి చేరింది. వీళ్లిద్దర్లో ఎవరో ఒకర్ని ఫిక్స్ చేయాలనేది దిల్ రాజు ఆలోచన.

గతంలో వీళ్లిద్దరూ పవన్ తో నటించారు. పవన్-ఇలియానా కలిసి జల్సా సినిమా చేశారు. ఇక పవన్-శృతిహాసన్ కలిసి కాటమరాయుడు సినిమా చేశారు. సో.. పవన్ ఎవర్ని రిపీట్ చేస్తాడనేది ఇప్పుడు హాట్ టాపిక్.

మరోవైపు ఈ సెలక్షన్ కు సంబంధించి డెడ్ లైన్ కూడా ఫిక్స్ అయింది. మార్చి 21 నుంచి పవన్ మళ్లీ కాల్షీట్లు ఇచ్చాడు. అప్పట్లోగా హీరోయిన్ ను డిసైడ్ చేయకపోతే కాల్షీట్లు వేస్ట్ అయిపోతాయి. ఈ ఫ్లాష్ బ్యాక్ ఎపిసోడ్ షూట్ తో టోటల్ మూవీ కంప్లీట్ అవుతుంది.