Sekhar Kammula - సీక్వెల్ పై క్లారిటీ ఇచ్చిన దర్శకుడు!

సినిమా సినిమాకు గ్యాప్ తీసుకుంటూ వస్తున్న దర్శకుడు శేఖర్ కమ్ముల మరో మూడు రోజుల్లో ‘లవ్ స్టోరి’ సినిమాతో ప్రేక్షకుల ముందుకు రాబోతున్న విషయం తెలిసిందే. ప్రస్తుతం సినిమా ప్రమోషన్స్ తో బిజీగా ఉన్న శేఖర్ కమ్ముల తాజాగా ఓ ఇంటర్వ్యూలో ‘లీడర్’ సీక్వెల్ పై క్లారిటీ ఇచ్చాడు. రానాను హీరోగా పరిచయం చేస్తూ శేఖర్ కమ్ముల తెరకెక్కించిన ‘లీడర్’ థియేటర్స్ అనుకున్నత పెర్ఫాం చేయలేదు. కానీ ఆ సినిమాకి చాలా మంది ఫ్యాన్స్ ఉన్నారు.

తెలుగులో వచ్చిన పొలిటికల్ సినిమాల లిస్టు చెప్పుకుంటే అందులో ‘లీడర్’ సినిమా ప్రస్తావన కచ్చితంగా ఉంటుంది. జనాల సమస్యలు , లంచగొండితనం , కుల రాజకీయాలపై శేఖర్ కమ్ముల తీసిన ఆ సినిమాకి ఎప్పటి నుండి సీక్వెల్ కోరుకుంటున్నారు సినిమా అభిమానులు. గతంలో శేఖర్ కమ్ముల కూడా ఆ సినిమా సీక్వెల్ ఉంటుందని చెప్పుకున్నాడు. తాజాగా ఇంటర్వ్యూ లో కూడా మళ్ళీ ఆ సీక్వెల్ ప్రస్తావన వచ్చింది. దానికి బదులు చెప్తూ ‘లీడర్ 2’ కచ్చితంగా ఉంటుందని రానాతోనే మళ్ళీ ఆ సినిమా చేస్తానని తెలిపాడు శేఖర్ కమ్ముల. అయితే అది లీడర్ కి కొనసాగింపు లా కాకుండా కొత్త కథతో తీయలనుకుంటున్నానని తెలిపాడు.

నెక్స్ట్ కోలీవుడ్ స్టార్ ధనుష్ తో పాన్ ఇండియా సినిమా తీస్తున్నాడు శేఖర్ కమ్ముల. ఆ సినిమాను థ్రిల్లర్ జానర్ లో తెరకెక్కించనున్నాడు. వచ్చే ఏడాది ఆరంభంలో సినిమా షూటింగ్ మొదలు కానుంది. ఆ సినిమా తర్వాత శేఖర్ కమ్ముల ‘లీడర్ 2’ సినిమాను పట్టాలేక్కిస్తాడేమో చూడాలి. మరి శేఖర్ కమ్ముల ఈసారి ఆ సీక్వెల్ లో ఎలాంటి విషయాలు చర్చించబోతున్నాడో అనేది ఇంట్రెస్టింగ్ గా మారింది.

• – Follow us for Latest Telugu Zee Cinemalu News and upcoming trending stories, Gossips, Actress Photos and Special topics