విజయ్ దేవర కొండ తో శేఖర్ కమ్ముల నెక్స్ట్ ?

ఇటీవలే ఫిదా తో దర్శకుడిగా గ్రాండ్ హిట్ అందుకున్న శేఖర్ కమ్ముల ప్రస్తుతం తన నెక్స్ట్ సినిమా వర్క్ లో బిజీగా ఉన్నాడు. ఫిదా తర్వాత శేఖర్ కమ్ముల రానా తో ‘లీడర్ 2’ సినిమా చేయబోతున్నాడనే వార్త వినిపించగా ప్రస్తుతం ఈ డైరెక్టర్ నెక్స్ట్ లిస్ట్ లో మరో హీరో పేరు వినిపిస్తుంది. లేటెస్ట్ గా అర్జున్ రెడ్డి తో సెన్సేషనల్ హిట్ అందుకున్న విజయ్ దేవర కొండ తో శేఖర్ కమ్ముల ఓ సినిమా ప్లాన్ చేస్తున్నాడని ఇప్పటికే విజయ్ కోసం స్క్రిప్ట్ కూడా రెడీ చేసాడనే టాక్ వినిపిస్తుంది.

ఈ సినిమాతో విజయ్ సరసన రాజశేఖర్ కూతురు శివాని ను హీరోయిన్ గా పరిచయం చేయబోతున్నాడనే వార్త కూడా చక్కర్లు కొడుతుంది. ప్రస్తుతం విజయ్ దేవర కొండ దాదాపు 7 సినిమాలు సైన్ చేసాడని అందులో శేఖర్ కమ్ముల సినిమా కూడా ఉందని సమాచారం. మరి ఈ వార్తలో నిజమెంతో తెలియాలంటే ఇంకొన్ని రోజులు వెయిట్ చేయాల్సిందే.