Satya Dev Godfather - పొలిటీషియన్ జైదేవ్ గా సత్యదేవ్

Tuesday,September 13,2022 - 03:10 by Z_CLU

మెగాస్టార్ చిరంజీవి క్రేజీ ప్రాజెక్ట్‌ ‘గాడ్ ఫాదర్’ కోసం ప్రేక్షకులు ఎంతగానో ఎదురుచూస్తున్నారు. బాలీవుడ్ సూపర్ స్టార్ సల్మాన్ ఖాన్ ఈ మాస్ యాక్షన్ ఎంటర్‌టైనర్‌లో పవర్ ఫుల్ ప్రత్యేక పాత్ర పోషిస్తున్నాడు. అలాగే చాలా మంది ప్రముఖ నటీనటులు కీలక పాత్రల్లో కనిపించనున్నారు. చిరంజీవి పాత్రను పరిచయం చేస్తూ ఇటివల విడుదలైన గ్లింప్స్, టీజర్ కు మంచి స్పందన వచ్చింది.

తాజాగా ఈ సినిమా నుంచి సత్యదేవ్ ఫస్ట్ లుక్ ని రివీల్ చేశారు. ఇందులో సత్యదేవ్, జైదేవ్ గా కనిపించనున్నాడు. ఫస్ట్ లుక్ లో రాజకీయ నేతగా చాలా హుందాగా కనిపించారు సత్యదేవ్.

ఈ చిత్రంలో నయనతార, పూరి జగన్నాధ్ ఇతర ముఖ్య పాత్రలు పోషిస్తున్నారు. ఇటీవలే నయనతార ఫస్ట్ లుక్ విడుదలైంది. సత్యప్రియ జైదేవ్ గా నయనతార ఫస్ట్ లుక్ కి మంచి రెస్పాన్స్ వచ్చింది. ఇప్పుడు జైదేవ్ గా సత్యదేవ్ ఫస్ట్ లుక్ కూడా క్యూరియాసిటీని పెంచింది.

ఈ చిత్రానికి మోహన్ రాజా దర్శకత్వం వహిస్తుండగా, ఆర్‌బి చౌదరి, ఎన్‌వి ప్రసాద్ నిర్మిస్తున్నారు. గాడ్ ఫాదర్ ఈ ఏడాది అక్టోబర్ 5న దసరా కానుకగా విడుదల కానుంది.