'గజదొంగ`గా సప్తగిరి
Tuesday,July 17,2018 - 11:57 by Z_CLU
`సప్తగిరి ఎక్స్ ప్రెస్`, `సప్తగిరి ఎల్.ఎల్.బి` చిత్రాలతో హీరోగా మారిన టాప్ కమెడియన్ సప్తగిరి. ఆయన హీరోగా `గజదొంగ` పేరుతో ఓ యాక్షన్ ఎంటర్టైనర్ రూపొందనుంది. నంద నందనా ప్రాజెక్ట్స్ పతాకంపై శర్మ చుక్కా, యెడల నరేంద్ర, G .V .N .రెడ్డి చిత్రాన్ని నిర్మించనున్నారు. గీతా ఆర్ట్స్, సూపర్ గుడ్ ఫిలిమ్స్ సంస్థల్లో దర్శకత్వ శాఖలో పనిచేసిన డి.రామకృష్ణ ఈ చిత్రానికి దర్శకత్వం వహిస్తున్నారు.
సప్తగిరికి యాప్ట్ సబ్జెక్ట్ ఇదంటున్నారు మేకర్స్. సప్తగిరి నుంచి ప్రేక్షకులు ఆశించే అంశాలన్నీ ఇందులో పుష్కలంగా ఉంటాయని.. మహానటుడు ఎన్టీఆర్ నటించిన `గజదొంగ`కూ, దీనికీ సంబంధం లేదని అంటున్నారు. ఇందులో సప్తగిరిది దొంగలకు దొంగలాంటి పాత్ర. అసలు సిసలు దొంగల్ని దోచుకుని సమాజానికి ఉపయోగపడే దొంగగా కనిపించనున్నాడు.
విలేజ్, టౌన్ బ్యాక్డ్రాప్లో నడిచే యాక్షన్ ఎంటర్టైనర్ ఇది. ఆగస్టు ఫస్ట్ వీక్ లో షూటింగ్ స్టార్ట్ చేయబోతున్న ఈ సినిమాకు బుల్గానిన్ సంగీతం అందిస్తున్నాడు