Samantha సెన్సార్ పూర్తి చేసుకున్న యశోద !

సమంత (Samantha) టైటిల్ రోల్ లో నటించిన ‘యశోద’ (Yashoda) రిలీజ్ సిద్దమైంది. వచ్చే వారం థియేటర్స్ లోకి రానున్న ఈ సినిమాకు సంబంధించి తాజాగా సెన్సార్ పూర్తయింది. సెన్సార్ బోర్డ్ నుండి సినిమాకు UA సర్టిఫికేట్ దక్కింది.  సినిమాకు రెండు గంటల పదిహేను నిమిషాల రన్ టైం లాక్ అయిందని సమాచారం.

 టీజర్, ట్రైలర్ తో అంచనాలు పెంచేసిన యశోద థ్రిల్లర్ మూవీలను ఇష్టపడే వారినే కాకుండా ఫ్యామిలీ ఆడియన్స్ ను కూడా ఆకట్టుకునేలా తెరకెక్కింది. సినిమాలో సమంత డూప్ లేకుండా స్టంట్స్ చేసింది. అనారోగ్యంతో ఉన్నప్పటికీ డబ్బింగ్ పూర్తి చేసింది. సీట్ ఎడ్జ్ థ్రిల్లర్ గా రూపొందిన ఈ సినిమాను శ్రీదేవి మూవీస్ బేనర్ పై శివలెంక కృష్ణ ప్రసాద్ నిర్మిస్తుండగా హరి , హరీష్ దర్శకత్వం వహించారు. మణిశర్మ మ్యూజిక్ కంపోజ్ చేసిన ఈ సినిమాకు పులగం చిన్నారాయణ, డా. చల్లా భాగ్యలక్ష్మి డైలాగ్స్ అందించారు.

అన్ని కార్యక్రమాలు పూర్తి చేసుకున్న ఈ సినిమా నవంబర్ 11 న ప్రేక్షకుల ముందుకు రాబోతుంది. మరి ఈ సినిమాతో సమంత సోలోగా ఎలాంటి హిట్ కొడుతుందో చూడాలి.

• Follow Us for Latest Telugu Zee Cinemalu News and upcoming trending stories, Gossips, Actress Photos and Special topics