Yashoda ఊహించని ట్విస్టులు ఉంటాయి

Samantha responds on her health issue in recent interview

సమంత (Samantha) ప్రస్తుతం అనారోగ్య సమస్యతో ఇబ్బంది పడుతున్న సంగతి తెలిసిందే. ఇటివల బెడ్ పై నుండే ‘యశోద’ (Yashoda)  కోసం డబ్బింగ్ చెప్పి తన అనారోగ్యం గురించి ఎమోషనల్ పోస్ట్ పెట్టింది సామ్. దీంతో ఒక్కసారిగా సమంత పోస్ట్ వైరల్ అయింది. మరో మూడు రోజుల్లో సమంత నటించిన ‘యశోద’ థియేటర్స్ లోకి వస్తుంది. ఈ సందర్భంగా సుమతో కలిసి సమంత స్పెషల్ ఇంటర్వ్యూ ఇచ్చింది. ఈ ఇంటర్వ్యూలో తన అనారోగ్యం గురించి ఎమోషనల్ అయ్యింది సామ్.

“కొన్ని రోజులు మంచిగా, కొన్ని రోజులు బాడ్ గా ఉంటాయి. ఒక్కో రోజైతే ముందుకు ఒక్క అడుగు కూడా వేయలేననిపిస్తుంది. కొంచెం డిఫికల్ట్ ఫేజ్ ఇది. ఫైట్ చేస్తున్నా. త్వరలోనే రికవరీ అవుతా” అంటూ తన హెల్త్ కండిషన్ గురించి చెప్పుకుంది సమంత. అలాగే “ఇంకా చావలేదు” అంటూ కొంచెం ఎక్కువ ఎమోషనల్ అయ్యింది. ప్రస్తుతం ఆ వీడియో వైరల్ అవుతుంది. సామ్ మాటలు విని యాంకర్ సుమ ఆమెను ఓదారుస్తూ ఇంటర్వ్యూను కంటిన్యూ చేసింది.

అలాగే సొంత డబ్బింగ్ గురించి కూడా సమంత మాట్లాడింది. “ఏ యాక్టర్ కైనా కష్టపడి పెర్ఫాం చేసిన తర్వాత సొంత డబ్బింగ్ చెప్పుకోవాలనిపిస్తుంది. నాకు ఎప్పటి నుండో ఆ విష్ ఉంది. కానీ ఇప్పుడు నా డబ్బింగ్ మీద కాన్ఫిడెన్స్ వచ్చింది. కానీ యశోద కి డబ్బింగ్ చెప్పేటప్పుడు డిఫికల్ట్ టైం.  రిలీజ్ డేట్ ఎనౌన్స్ చేసేశారు కాబట్టి హెల్త్ పరిస్థితి బాలేకపోయినా, డబ్బింగ్ చెప్పాల్సి వచ్చింది. నాకు మొండితనం ఎక్కువ. ఒకసారి అనుకుంటే చేసే దాక ఉండలేను. సొంత డబ్బింగ్ చెప్పాలని డిసైడ్ అయ్యాను కాబట్టి పరిస్థితి బాలేకపోయినా చెప్పేశాను. “

ఇక నవంబర్ 11న పాన్ ఇండియా మూవీగా రిలీజవుతున్న యశోద గురించి కూడా ఇంటర్వ్యూ చాల విషయాలు పంచుకుంది సమంత. “బేసిక్ గా థ్రిల్లర్ సినిమాల్లో కొంత మంది ఇంటెలిజెంట్ పీపుల్  ట్విస్టులు ఊహించేస్తారు. కానీ యశోద లో ట్విస్టులు ఊహించలేని విధంగా ఉంటాయి. షాక్ అండ్ సర్ ప్రయిజింగ్ గా ఉంటుంది.  మన మధ్య జరుగుతున్న విషయంతో యశోద కథ ఉంటుంది . ఇది అందరూ తెలుసుకోవాల్సిన విషయం. టెక్నికల్ గా క్వాలిటీ తో తీసిన మూవీ. ఫైట్ సీక్వెన్స్ లు ఆకట్టుకునేలా ఉంటాయి. సినిమాకు మణిశర్మ గారి బ్యాక్ గ్రౌండ్ స్కోర్ ప్లస్ పాయింట్. నిన్న సినిమా చూశాక మంచి మూవీ చేశాం థియేటర్స్ కోసం అనిపించింది.” అంటూ సామ్ తన మూవీ గురించి కొన్ని విశేషాలు చెప్పుకుంది.

• Follow Us for Latest Telugu Zee Cinemalu News and upcoming trending stories, Gossips, Actress Photos and Special topics