ఇకపై అంతా 'బ్యూటిఫుల్' అంటున్న వర్మ

అమ్మ రాజ్యంలో కడప బిడ్డలు సినిమాతో మొన్నటివరకు సంచలనాలు, వివాదాలు సృష్టించిన రామ్ గోపాల్ వర్మ, ఇప్పుడా సినిమాను లైట్ తీసుకున్నాడు. తన ఫోకస్ మొత్తం బ్యూటిఫుల్ సినిమాపై పెట్టాడు. జనవరి 1న రిలీజ్ కానుంది ఈ మూవీ.

టైగర్ కంపెనీ ప్రొడక్షన్ పతాకంపై వర్మ రూపొందించిన ఈ సినిమాకు ట్రిబ్యూట్ టు రంగీలా అనే ట్యాగ్ లైన్ పెట్టారు. నైనా కథానాయిక కాగా సూరి కధానాయకుడిగా నటించారు. అగస్త్య మంజు దర్శకుడు. ఇప్పటికే సెన్సార్ కార్యక్రమాలను పూర్తి చేసుకుని ఎలాంటి కట్స్ లేకుండా `ఎ` సర్టిఫికెట్ పొందిన ఈ చిత్రాన్ని నూతన సంవత్సరం సందర్బంగా జనవరి 1న ప్రంపంచ వ్యాప్తంగా భారీగా విడుదల చేస్తున్నట్లు నిర్మాతలు వెల్లడించారు.

ఈ చిత్రానికి పాటలను సిరా శ్రీ అందించగా…సంగీతాన్ని రవి శంకర్ సమకూర్చారు. ఈ చిత్రానికి సహ నిర్మాతలు: నట్టి క్రాంతి, నట్టి కరుణ, సమర్పణ: టి.అంజయ్య, నిర్మాతలు: టి నరేష్ కుమార్, టి.శ్రీధర్, , రచన, ఫోటోగ్రఫీ, దర్శకత్వం: అగస్త్య మంజు.