తాజా వార్తలు

Ravanasura షూటింగ్ డీటెయిల్స్

Wednesday,April 13,2022 - 03:34 by Z_CLU

మాస్ మహారాజా రవితేజ హీరోగా క్రియేటివ్ డైరెక్టర్ సుధీర్ వర్మ దర్శకత్వంలో తెరకెక్కుతున్న ‘రావణాసుర’ షూటింగ్ శరవేగంగా జరుగుతుంది. తాజాగా ఓ భారీ యాక్షన్ షెడ్యూల్ షూటింగ్ పూర్తి చేశారు. ఈ షెడ్యుల్ లో హైవోల్టేజ్ యాక్షన్ సీక్వెన్స్ తో పాటు కొన్ని కీలక సన్నివేశాలు చిత్రీకరించారు. సినిమాలో ఇది కీలకమైన షెడ్యూల్. దీంతో చిత్రీకరణకు సంబధించి మూడు షెడ్యూల్స్ షూటింగ్ పూర్తయింది.

అభిషేక్ పిక్చర్స్, ఆర్‌టీ టీం వర్క్స్ బ్యానర్లపై ప్రముఖ నిర్మాత అభిషేక్ నామా ఈ చిత్రాన్ని భారీగా నిర్మిస్తున్నారు. రవితేజ లాయర్ గా కనిపించబోతున్న ఈ సినిమాలో సుశాంత్ ఓ కీలక పాత్రలో కనిపించబోతున్నాడు.

సినిమాలో రవితేజ సరసన ఐదుగురు హీరోయిన్లు నటించనున్నారు. అను ఇమాన్యుయేల్, మేఘా ఆకాష్, ఫరియా అబ్దుల్లా, దక్ష నగార్కర్, పూజిత పొన్నాడలు కీలక పాత్రలు పోషిస్తున్నారు.

శ్రీకాంత్ విస్సా ఈ సినిమాకి పవర్ ఫుల్ కథతో పాటు మాటలు, స్క్రీన్ ప్లే అందించాడు. దర్శకుడు సుధీర్ వర్మ , మాస్ మహారాజా రవితేజని సరికొత్తగా చూపించబోతున్నారు.

ప్రముఖ నటీనటులు, సాంకేతిక నిపుణులు ఈ చిత్రానికి పని చేస్తున్నారు. హర్ష వర్దన్ రామేశ్వర్, భీమ్స్ సినిమాకు సంగీతాన్ని అందిస్తున్నారు. విజయ్ కార్తీక్ కన్నన్ సినిమాటోగ్రఫర్‌గా, శ్రీకాంత్ ఎడిటర్‌గా పని చేస్తున్నారు.