Rashmika Vijay Deverakonda - ఆ మేటర్ విజయ్ నే అడగమంటున్న రష్మిక
Tuesday,April 27,2021 - 05:52 by Z_CLU
రష్మిక, విజయ్ దేవరకొండది క్రేజీ కాంబినేషన్. ఇద్దరూ కలిసి నటించిన గీతగోవిందం ఎంత పెద్ద హిట్టయిందో ప్రత్యేకంగా చెప్పనక్కర్లేదు. ఆ తర్వాత ఇద్దరూ కలిసి చేసిన డియర్ కామ్రేడ్ పెద్దగా వర్కవుట్ అవ్వనప్పటికీ, వీళ్లిద్దరి కాంబినేషన్ పై ఉన్న క్రేజ్ మాత్రం అస్సలు తగ్గలేదు.
రష్మిక, విజయ్ దేవరకొండ కలిసి నటిస్తే చూడాలని కోరుకునే తెలుగు ఆడియన్స్ చాలామంది ఉన్నారు. రీసెంట్ గా లైవ్ ఛాట్ లోకి వచ్చిన రష్మికకు కూడా ఈ క్వశ్చన్ ఎదురైంది. ఆ ప్రశ్నకు తనదైన స్టయిల్ లో సమాధానం ఇచ్చింది రష్మిక.
విజయ్ దేవరకొండతో మరో సినిమా చేయాలని తనకు కూడా ఉందని.. కాకపోతే మంచి స్క్రిప్ట్ పడాలని, తనే కావాలని విజయ్ దేవరకొండ అనుకోవాలని.. అప్పుడు మాత్రమే తమ కాంబినేషన్ మరోసారి రిపీట్ అవుతుందని చెప్పుకొచ్చింది. ఇకపై ఎప్పుడైనా ఈ ప్రశ్న తనను కాకుండా, విజయ్ దేవరకొండనే అడగమని నెటిజన్లకు చెప్పేసింది ఈ కన్నడ కస్తూరి.
కేవలం ఆన్ స్క్రీన్ కెమిస్ట్రీ మాత్రమే కాదు, ఆఫ్ స్క్రీన్ కూడా ఇద్దరికీ మంచి కెమిస్ట్రీ ఉంది. రియల్ లైఫ్ లో విజయ్ దేవరకొండ, రష్మిక బెస్ట్ ఫ్రెండ్స్. మొన్నటికిమొన్న తల్లి పుట్టినరోజును సెలబ్రేట్ చేసిన విజయ్, ఆ బర్త్ డే పార్టీకి రష్మికను మాత్రమే ఆహ్వానించాడు. రీసెంట్ గా ముంబయిలో ఇద్దరూ కలిసి డిన్నర్ కు కూడా వెళ్లారు. ఇలా టైమ్ దొరికినప్పుడల్లా ఈ ఫ్రెండ్స్ కలుస్తూనే ఉంటారు.
సిల్వర్ స్క్రీన్ పై ఈ కాంబినేషన్ ఎప్పుడు రిపీట్ అవుతుందనేది ఇప్పుడు విజయ్ దేవరకొండ చేతిలోనే ఉంది. అన్నట్టు వీళ్లిద్దరూ కలిసి రీసెంట్ గా ఓ యాడ్ కూడా చేశారు.
- – Follow Us for Latest Telugu Zee Cinemalu News and upcoming trending
stories, Gossips, Actress Photos and Special topics