మరోసారి కలిసిన ప్రభాస్, రానా

Saturday,July 22,2017 - 12:53 by Z_CLU

బాహుబలి-2 లాంటి బ్లాక్ బస్టర్ సినిమాలో కలిసి నటించిన రానా, ప్రభాస్ ఆ సినిమా కంప్లీట్ అయిన తర్వాత ఎవరి సినిమాలతో వాళ్లు బిజీ అయిపోయారు. మళ్లీ కలవడానికి ఇద్దరికీ టైం కుదరలేదు. మళ్లీ ఇన్ని రోజులకు బాహుబలి, భళ్లాలదేవ కలిశారు. అది కూడా రానా సినిమాకు ప్రచారం కల్పించడం కోసం బయటకొచ్చాడు ప్రభాస్.

నేనే రాజు నేనే మంత్రి సినిమా చేశాడు రానా. ఈ సినిమాకు వినూత్నంగా ప్రచారం కల్పిస్తున్నారు. ఏఆర్ టెక్నాలజీ ఆధారంగా స్వయంగా రానాతో ఫొటో దిగేలా ఏర్పాట్లు చేశారు. ఇప్పటికే ఈ టెక్నాలజీ ఆధారంగా రాజమౌళి, రానా కలిసి ఫొటో దిగారు. ఇప్పుడు ప్రభాస్ కూడా అదే పని చేశారు. ఏఆర్ టెక్నాలజీ ఆధారంగా రానాతో కలిసి ఫొటో దిగాడు.

తేజ దర్శకత్వంలో తెరకెక్కింది నేనే రాజు నేనే మంత్రి సినిమా. రానా-కాజల్ హీరోహీరోయిన్లుగా నటించిన ఈ పొలిటికల్ డ్రామాలో జోగేంద్ర అనే పొలిటీషియన్ గా రానా కనిపించనున్నాడు. ఆగస్ట్ 11న సినిమా విడుదలకానుంది.