శైలజారెడ్డికి పుట్టినరోజు శుభాకాంక్షలు

శైలజారెడ్డి అలియాస్ రమ్యకృష్ణ ఈరోజు తన బర్త్ డేను గ్రాండ్ గా సెలబ్రేట్ చేసుకుంటోంది. మరీ ముఖ్యంగా శైలజారెడ్డి అల్లుడు సూపర్ హిట్ అవ్వడంతో, ఆమె బర్త్ డే వేడుకలు డబుల్ అయ్యాయి. ఈ సందర్భంగా మీడియాకు ప్రత్యేక ఇంటర్వ్యూ ఇచ్చారు రమ్యకృష్ణ.

ర‌మ్య‌కృష్ణ గారు మీకు ముందుగా బ‌ర్త్‌డే విషెస్‌.. ఈ పుట్ట‌న‌రోజు కానుక‌గా శైల‌జారెడ్డి అల్లుడు మంచి విజ‌యాన్ని సాధించ‌టం ఎలావుంది.?
మీకు ధ‌న్య‌వాదాలు.. ఈ పుట్టిన‌రోజుకి ఒక మంచి చిత్రం సూప‌ర్‌హిట్ అవ్వ‌టం చాలా ఆనందంగా వుంది. అలాగే ఈ చిత్రంలో అంద‌రూ చాలా జెన్యూన్ గా కష్ట‌ప‌డ్డారు.. వారంద‌రికి నా ప్ర‌త్యేక శుభాకాంక్ష‌లు.

శైల‌జారెడ్డి అల్లుడు చిత్రం చూసిన‌ వారంతా  మీ పాత్ర గురించి ప్ర‌త్యేకంగా మాట్లాడుకుంటున్నారు.. ఈ రెస్పాన్స్ మీద మీ కామెంట్‌.
డెఫినెట్ గా శైలజారెడ్డి పాత్ర వైవిధ్యంగా వుంటుంది. ఒక సైడ్ ఊరులో ఆడ‌వాళ్ళ‌కి అన్యాయం జ‌రిగితే ఎంత‌వ‌ర‌కైనా పోరాడే ధీర‌త్వం.. మ‌రోవైపు త‌ల్లిగా కూతురు మీద ప్రేమ‌.. స‌మ‌స్య వ‌స్తే ఎదుర్కునే ధైర్యం ఇన్ని వున్నాయి శైల‌జారెడ్డి పాత్ర‌లో.. మారుతి గారు ఈ పాత్ర‌ని మ‌లిచిన విధానం చాలా బాగుంది. ఈ చిత్రంలొ  అత్త పాత్ర రెగ్యుల‌ర్ గా ఉండ‌దు.. మీరు ఎప్పూడూ చూస్తున్న అత్తాఅల్లుళ్ళ మ‌ద్య కామెడి కూడా ఈ చిత్రంలో క‌నిపించ‌దు. చూసిన వారికి, చూసేవారికి స్వీట్ సర్ ప్రైజ్ లా వుంటుంది.

ఈ చిత్రం లో మీది ఇగో కేర‌క్ట‌ర్ క‌దా..?
అది ఓ ప‌క్క వుంటుంది.,. కాని సీన్స్ అన్ని కొత్త‌గా వుంటాయి. చాలా బాగుంటాయి.. కొత్త అత్త‌, అల్లుడ్ని చూస్తారు. ఈ చిత్రంలో…

ఇక్క‌డ అత్తకి ఇగోనే కూతురికి ఇగోనే పాపం అల్లుడు క‌దా.. అల్లుడు మీద జాలి వేయ‌లేదా మీకు..?
హ‌హ‌హ.. నిజం అండి అత్తగా నాకు ఇగో, కూతురికి ఇగో ఇక్క‌డ వ‌ర‌కూ నేను ఎంజాయ్ చేశాను.. సేమ్ నాలాంటి పాత్ర ఇంకొక‌టి నాకు తోడుగా వుంది అని పాపం చైత్య‌న్య గారికి మాత్రం ఫుల్ టెన్ష‌న్ వుంది.. కానీ మీరు చూస్తే ఇవ‌న్ని ఫ‌న్ జెనరేట్ చేస్తాయి. మా ముగ్గురి మ‌ద్యలో న‌రేష్ గారు, మాణిక్యంగా ఫృధ్వి గారు, వెన్నెల కిషోర్ గారు కేర‌క్ట‌ర్స్ కామెడీగా వుంటాయి.. కొన్నిసార్లు కామెడీకి షూట్ కూడా ఆపేసి న‌వ్వేవాళ్ళం.. నేను బాగా ఎంజాయ్ చేశాను.

మీరు నాగార్జున గారితో చేశారు.. ఇప్ప‌డు నాగ‌చైత‌న్య గారికి అత్త‌గా చేశారు.. చైత‌న్య గారు యాక్టింగ్ ఎలావుంది..?
చాలా హ్య‌పిగా వుంది. నాగ‌చైతన్య వెరీ డౌన్ టు ఎర్త్ మ‌నిషి. యాక్టింగ్ లో చాలా గ్రోత్ అయ్యాడు. ముఖ్యంగా నన్ను, అను ని క‌న్విన్స్ చేసే సీన్ వుంది అక్క‌డ చాలా ఈజ్ తో మెచ్చూర్డ్ ఫెర్‌ఫార్మెన్స్ ఇచ్చాడు.. వెరీ గుడ్ ఆర్టిస్ట్‌.

డైర‌క్ట‌ర్ మారుతి గారు వ‌ర్కింగ్ స్టైల్ ఎలా వుంది.. సీనియ‌ర్ గా ఎమైనా టీజ్ చేశారా..?
టీజ్ చేయ‌ట‌మా అంత టైమ్ ఇవ్వ‌రు ఈ డైర‌క్ట‌ర్‌.. బాబోయ్ స్పీడ్ గా వ‌ర్క్ చేస్తారు మిష‌న్ లా. జ‌స్ట్ రెడీ అయ్యి కూర్చుందామ‌నుకునే స‌రికి రెడీ రెడీ అని కాల్ చేస్తారు. ఒక రోజు వ‌ర్షం ప‌డుతుంది క‌దా వ‌దిలేస్తాడేమో అనుకున్నా.. ఆ గ్యాప్ లో కూడా తీసేసారు.. వెరీ గుడ్ ఫ్యూచ‌ర్ వుంది. వెరీ గుడ్ ప్లానింగ్‌.. నా కెరీర్ లో ఇంత ఫాస్ట్ గా షూటింగ్ చేసి ఇంత ఫాస్ట్ గా ఇచ్చిన చిత్రం  శైల‌జారెడ్డి మాత్ర‌మే..

మీరు సీరియ‌స్ పాత్ర ఎలా చేస్తారో అంతే ఈజీగా కామెడి కూడా చేస్తారు.. ఎలా అంత ఈజ్ వస్తుంది మీకు..?
అలా ఏమి కాదు ఆర్టిస్ట్ అంటే అన్ని చేయ్యాలి.. కొ-ఆర్టిస్ట్ పెర్‌ఫెక్ట్ గా వుంటే కామెడి చాలా బాగా వ‌స్తుంది అది కూడా స్పాంటెనియ‌స్ గా వస్తుంది.. నేను కామెడి బాగా చేసింది పంచ‌తంత్రం చిత్రం. ఈ శైల‌జారెడ్డి అల్లుడులో నా చుట్టూ కామెడీ జ‌రుగుతుంది. హిలేరియ‌స్ గా వుంటుంది కాని నేను సీరియ‌స్ గా వుండాలి.. ఇది నాకు డిఫ‌ికల్ట్ గా అనిపించింది.

సినిమాటోగ్రాఫ‌ర్ నిజార్ ష‌ఫి గురించి చెప్పండి..?
మీరు సినిమాలో చూశారు అంద‌రూ చాలా అందంగా వున్నారు.. కాని మారుతి గారు వ‌ర్క్ స్పీడ్ కి ఆయ‌న ప‌రిగెత్తి షూట్ చేసేవాడు పాపం.. గ్రేట్ పీపుల్ తో వ‌ర్క్ చేశాను అనే ఫీలింగ్ వుంది నాకు.

మీరు బాహుబ‌లి చిత్రం త‌రువాత కొంచెం గ్యాప్ తీసుకుని ఇలా అత్త‌గా  క‌నిపించారు.. మ‌రి ఇలాంటి రోల్స్ వ‌స్తే చేస్తారా..?
నేను చేసిన వెరైటీ రోల్స్ మాత్ర‌మే న‌న్ను ఆర్టిస్ట్ గా నిల‌బెట్టాయి.. సో ఇలాంటి వైరైటీ రోల్స్ వ‌స్తే త‌ప్ప‌కుండా చేస్తాను.

ఈ సినిమా నిర్మాత‌ల గురించి చెప్పండి..?
చాలా ఫ్యాష‌నేట్ ప్రోడ్యూస‌ర్స్. అలాగే ద‌ర్శ‌కుడ్ని నమ్మి న‌టీన‌టుల్ని న‌మ్మి ఇలా చిత్రాలు చేసే నిర్మాత‌లు చాలా అరుదుగా వుంటారు. వారికి నా త‌రుపున కంగ్రాట్స్‌..

చివ‌రిగా మీరు ఈ చిత్రం గురించి..?
చాలా మంచి చిత్రం.. చ‌క్క‌టి ఫ్యామిలి ఎంట‌ర్‌టైన‌ర్ గా అంద‌రూ ఆద‌రిస్తున్నారు. ఇలాగే శైల‌జారెడ్డి అల్లుడ్ని మరింత ఆద‌రించాల‌ని కోరుకుంటున్నాను.