స్పీడ్ తగ్గించిన రకుల్

ఇన్నాళ్లు గ్యాప్ లేకుండా సినిమాలు చేసింది. ఇప్పుడు కాస్త రెస్ట్ తీసుకోవాలనుకుంటోంది. అందుకే ఇప్పటివరకు మరో తెలుగు సినిమాకు కాల్షీట్లు కేటాయించలేదు రకుల్.

“”నాలుగేళ్ల నుంచి రాత్రిపగలు పనిచేస్తున్నాను. దాదాపు 10 సినిమాలు బ్యాక్ టు బ్యాక్ చేశాను. ఈ ఇయర్ ఎండింగ్ లో బ్రేక్ తీసుకోవాలని ముందే అనుకున్నాను. లేదంటే తొందరగా ముసలిదాన్ని అయిపోతాను. కనీసం నెల రోజులు రెస్ట్ తీసుకుంటాను. ఒకేసారి 3-4 స్టోరీలు నచ్చితే అన్నీ చేయాలనుకుంటాను. రాత్రిపగలు కష్టపడతాను. కానీ నా తల్లిదండ్రులు నన్ను కూర్చోబెట్టి మరీ బ్రేక్ తీసుకోమని చెప్పారు. సినిమాల సంఖ్య కంటే క్వాలిటీపై దృష్టి పెట్టమని సూచించారు.” తాజా ఇంటర్వ్యూలో రకుల్ ఈ మేటర్ బయటపెట్టింది

తన అప్ కమింగ్ ప్రాజెక్టులపై మాట్లాడిన రకుల్.. హిందీలో చేసిన అయ్యారి రిలీజ్ కోసం ఎదురుచూస్తున్నట్టు తెలిపింది. తెలుగులో ఓ 2 సినిమాలు డిస్కషన్ స్టేజ్ లో ఉన్నాయని, త్వరలోనే వెల్లడిస్తానంటోంది రకుల్.