చిరు151 మోషన్ పోస్టర్ రిలీజ్ చేయబోతున్న రాజమౌళి

సురేందర్ రెడ్డి డైరెక్షన్ లో స్వాతంత్రసమరయోధుడు ‘ఉయ్యాలవాడ నర్సింహా రెడ్డి’ కథతో మెగా స్టార్ చిరంజీవి నటిస్తున్న చిరు151 సినిమా ఇటీవలే పూజా కార్యక్రమాలతో ప్రారంభమైన సంగతి తెలిసిందే. కొణిదెల ప్రొడక్షన్ కంపెనీ బ్యానర్ పై రామ్ చరణ్ నిర్మిస్తున్న ఈ సినిమాకు సంబంధించి మోషన్ పోస్టర్ ను రేపు చిరు పుట్టినరోజు సందర్భంగా దర్శకధీరుడు రాజమౌళి విడుదల చేయబోతున్నాడు.

హైదరాబాద్ లో సంధ్య కన్వెన్షన్ లో గ్రాండ్ గా జరగనున్న ఈవెంట్ లో ఉదయం 11 :30 నిమిషాలకు ఈ సినిమా ఫస్ట్ లుక్ మోషన్ పోస్టర్ ను లాంచ్ చేయనున్నాడు జక్కన్న.. ఈ ఈవెంట్ లో సినిమాకు పనిచేయబోతున్న ఆర్టిస్టులతో పాటు టెక్నీషియన్స్ పేర్లు కూడా ప్రకటించబోతున్నారు. ఈ మెగా ఈవెంట్ లో అభిమానుల సమక్షంలో కేక్ కట్ చేయబోతున్నాడు మెగాస్టార్.