రాజమౌళి నెక్ట్స్ మూవీ ఫిక్స్?

దర్శక ధీరుడు రాజమౌళి నెక్ట్స్ సినిమాపై చిన్నపాటి క్లారిటీ వచ్చింది. కథ, హీరో సెట్ అవ్వకపోయినా నిర్మాత ఎవరనే క్లారిటీ వచ్చేసింది. అవును.. డీవీవీ దానయ్య నిర్మాణంలో రాజమౌళి నెక్ట్స్ సినిమా ఉండబోతోంది. బాహుబలి టైమ్ లోనే రాజమౌళి-దానయ్య మధ్య ఓ సినిమా చేసేందుకు ఒప్పందం కుదిరిందట. త్వరలోనే డీవీవీ ఎంటర్ టైన్ మెంట్స్ బ్యానర్ పై రాజమౌళి దర్శకత్వంలో సినిమా స్టార్ట్ అవుతుంది.

నెక్ట్స్ సినిమా ఏంటనే విషయంపై రాజమౌళి ఇంకా ఎలాంటి క్లారిటీ ఇవ్వలేదు. ప్రస్తుతం ఈ దర్శకుడు బాహుబలి-2 సినిమా సక్సెస్ ను ఎంజాయ్ చేస్తున్నాడు. ప్రస్తుతానికైతే తండ్రి విజయేంద్రప్రసాద్ తో కథాచర్చలు జరపుతున్నట్టు టాక్. త్వరలోనే ఓ స్టోరీలైన్ ఫిక్స్ చేసి, అధికారికంగా ప్రకటిస్తారట.