జపాన్ లో రికార్డు సృష్టించిన ప్రభాస్

యంగ్ రెబల్ స్టార్ ప్రభాస్ జపాన్ లో రికార్డు సృష్టించాడు. అతడు నటించిన లేటెస్ట్ మూవీ సాహో.. జపాన్ లో కళ్లుచెదిరే వసూళ్లు రాబడుతోంది.

జ‌పాన్‌లో క‌రోనా ప్ర‌భావం త‌గ్గ‌డంతో థియేటర్లు తెరుచుకున్నాయి. అక్క‌డ రిలీజైన ఒకే ఒక్క నాన్-జపనీస్ మూవీ సాహో. ఇప్పుడీ సినిమాకు జపాన్ ప్రేక్షకులు వసూళ్ల వర్షం కురిపిస్తున్నారు.

ఇప్ప‌టి వ‌ర‌కూ జ‌పాన్ థియేటర్లలో అత్య‌ధిక ఓపెనింగ్‌ క‌లెక్ష‌న్ వ‌చ్చిన మొదటి ఇండియన్ మూవీగా సాహో రికార్డు సృష్టించింది. మొన్నటివరకు ఈ రికార్డ్ దంగల్ సినిమా పేరిట ఉండేది. అమీర్ ఖాన్ నటించిన ఆ సినిమా రికార్డును ప్రభాస్ క్రాస్ చేశాడు.

నిజానికి జనవరిలోనే సాహో జపనీస్ డబ్బింగ్ వెర్షన్ రిలీజైంది. కానీ లాక్ డౌన్ వల్ల థియేటర్లు మూతపడ్డాయి. తాజాగా థియేటర్లు తెరుచుకోవడం, సాహో చూడ్డానికి జపాన్ ప్రజలు క్యూ కట్టడం చకచకా జరిగిపోయాయి.