మరోసారి తెరపైకి పౌర్ణమి బ్యాచ్ ..?

ఇటీవలే ‘బాహుబలి’ తో బిగ్గెస్ట్ హిట్ సాధించి ఇంటర్నేషనల్ స్టార్ గా గుర్తింపు అందుకున్న యంగ్ రెబెల్ స్టార్ ప్రభాస్ ప్రెజెంట్ సుజీత్ డైరెక్షన్ లో ‘సాహో’ సినిమా చేస్తున్నాడు. స్టైలిష్ యాక్షన్ ఎంటర్టైనర్ గా తెరకెక్కుతున్న ఈ సినిమా తర్వాత జిల్ ఫేమ్ రాధా కృష్ణ డైరెక్షన్ లో గోపీకృష్ణ బ్యానర్ లో ఓ సినిమా చేస్తాడు. ఈ రెండు సినిమా తర్వాత ప్రభాస్ నెక్స్ట్ డైరెక్టర్ లిస్ట్ లో ప్రభుదేవా చేరాడట.

అప్పట్లో ప్రభాస్ తో ‘పౌర్ణమి’ సినిమాను తెరకెక్కించిన ప్రభుదేవా మరోసారి ప్రభాస్ ను డైరెక్ట్ చేయాలనుకుంటున్నాడట. ఇటీవలే ప్రభాస్ ని కలిసి ఓ స్టోరీలైన్ కూడా వినిపించాడట. సుజీత్, రాధాకృష్ణ సినిమాల తర్వాత వీరిద్దరి కాంబినేషన్ లో సినిమా తెరకెక్కనుందని టాక్.

ప్రభుదేవాకు కోలీవుడ్, బాలీవుడ్ లో కూడా ఫాలోయింగ్ ఉంది. ప్రభాస్ కు ఎలాగూ అక్కడ క్రేజ్ వచ్చేసింది. సో.. ప్రభాస్-ప్రభుదేవా సినిమాను కూడా ఒకేసారి తెలుగు, తమిళ్, హిందీ భాషల్లో ప్లాన్ చేస్తున్నారట.