మరో బిగ్ స్టార్ సినిమాలో పూజాహెగ్డే

వరస స్టార్ హీరో సినిమాలు లక్కీ లేడీ అనిపించుకుంటుంది పూజా హెగ్డే. రీసెంట్ గా అల్లు అర్జున్ సరసన చేసిన ‘అల…’ గ్రాండ్ సక్సెస్ అయింది. మరోవైపు ప్రభాస్ ‘జాన్’ సినిమాతో సెట్స్ పై ఉంది. ఈ లోపు మరో బిగ్ స్టార్ సినిమాకి చేసింది.

టాలీవుడ్ తో పాటు బాలీవుడ్ ని కూడా ఏ మాత్రం గ్యాప్ లేకుండా మేనేజ్ చేస్తున్న పూజా హెగ్డే అక్షయ్ కుమార్ కొత్త సినిమాలో నటించనుంది. సాజిద్ నడియాడ్ వాలా ఈ సినిమాని నిర్మిస్తున్నాడు.

ఫర్హాద్ సామ్జీ డైరెక్షన్ లో తెరకెక్కుతున్న ఈ సినిమాలో ఇప్పటికే కృతి సానన్ హీరోయిన్ గా ఫిక్సయింది. అయితే పూజా సెకండ్ ఫీమేల్ లీడ్ గా ఇంపార్టెంట్ రోల్ లో కనిపించనుంది. ఇదంతా పూజా హెగ్డే ప్లానింగా… లేకపోతే అలా జరిగిపోతుందా అనేది చెప్పలేం కానీ… ఈ హ్యాప్పెనింగ్ బ్యూటీకి బడా స్టార్స్ సినిమాలు అలా కలిసొస్తున్నాయంతే.