ముచ్చటగా మూడో సారి....

తాజాగా జనతా గ్యారేజ్ తో గ్రాండ్ హిట్ అందుకున్న యంగ్ టైగర్ ఎన్టీఆర్ కాస్త గ్యాప్ తీసుకొని నెక్స్ట్ సినిమాను సెట్స్ పై పెట్టబోతున్నాడు. ఎన్టీఆర్ తన నెక్స్ట్ సినిమా ఎవరితో చేస్తాడా? అని ఎదురూచూస్తున్న అభిమానులకు త్వరలోనే ఆ సినిమా డీటెయిల్స్ చెప్పబోతున్నాడు.

ప్రస్తుతం అందుతున్న సమాచారం ప్రకారం ఎన్టీఆర్ తన నెక్స్ట్ సినిమాను పూరి జగన్నాధ్ తో చేయడానికి సిద్దమవుతున్నాడట. ఇప్పటికే యంగ్ టైగర్ కి ఓ కథ ను వినిపించాడట పూరి. ఈ కథ తారక్ బాగా నచ్చడంతో మళ్ళీ జగన్ కే ఓటేశాడట. అప్పట్లో ఫ్లాపుల్లో ఉన్న ఎన్టీఆర్ కు ‘టెంపర్’ సినిమాతో విజయాల దిశగా నడిపించిన పూరి… ఈ సినిమాతో తనకు మరో హిట్ ఇవ్వడం ఖాయమనే ఆలోచనలో ఉన్నాడట తారక్. త్వరలోనే ఈ సినిమాను అనౌన్స్ చేయనున్నాడనే టాక్ వినిపిస్తోంది.