NTR బర్త్ డే స్పెషల్

Monday,May 20,2019 - 09:07 by Z_CLU

యంగ్ టైగర్ NTR.. యాక్టింగ్ కోసమే పుట్టాడేమో అనిపిస్తుంది ఇతడ్ని చూస్తే. ఈరోజు తన 36 వ పుట్టిన రోజును గ్రాండ్ గా సెలబ్రేట్ చేసుకుంటున్నాడు తారక్. ఈ సందర్భంగా జీ సినిమాలు స్పెషల్ స్టోరీ…

ఎంట్రీ తోనే స్టార్ రేంజ్ : 2001 లో ‘నిన్ను చూడాలని’ సినిమాతో సిల్వర్ స్క్రీన్ పై గ్రాండ్ ఎంట్రీ ఇచ్చిన NTR, అదే సంవత్సరం రిలీజైన స్టూడెంట్ నంబర్ 1, సుబ్బు సినిమాలతో ఫ్యాన్స్ గుండెల్లో పర్మనెంట్ గా సెటిలైపోయాడు.

కమర్షియల్ హీరో: కేవలం 5 ఏళ్ళు సరిపోయాయి NTR ఆల్ రౌండర్ స్టార్ అని నిరూపించుకోవడానికి. వినాయక్ డైరెక్షన్ లో తెరకెక్కిన ‘ఆది’ NTR ని కంప్లీట్ కమర్షియల్ గా ఎస్టాబ్లిష్ చేస్తే, అదే సంవత్సరం రిలీజైన ‘అల్లరి రాముడు’ NTR ని ఫ్యామిలీ ఆడియెన్స్ కి మరింత దగ్గర చేసింది. ఆ తరవాత రిలీజైన ‘సింహాద్రి’ NTR లైఫ్ లో బిగ్గెస్ట్ టర్నింగ్ పాయింట్ లా నిలిచింది.

ప్రతీది డిఫెరెంటే: 2006లో రిలీజైన అశోక్ క్రియేట్ చేసిన సెన్సేషన్ నుండి ఫ్యాన్స్ బయట కూడా పడలేదు. అప్పుడే భారీ ఇమోషనల్ ఎలిమెంట్స్ తో తెరకెక్కిన ‘రాఖీ’, NTR లోని నట విశ్వరూపాన్ని ప్రెజెంట్ చేసింది.  ఆ తరవాత వరసగా రిలీజైన యమదొంగ, కంత్రి, అదుర్స్, బృందావనం.. ఇలా చెప్పుకుంటూ పోతే వేటికదే స్పెషల్. ప్రతీది డిఫెరెంట్.

స్టైల్ చేంజ్: 2012 లో రిలీజైన ‘దమ్ము’ సినిమాతో అన్ని క్యాటగిరీ ఆడియెన్స్ ని మెస్మరైజ్ చేసిన NTR చిన్నగా ప్రయోగాలపై దృష్టి పెట్టాడు. అటు యాక్షన్ కి స్కోప్ ఇస్తూనే, క్లీన్ కామెడీ ట్రాక్ ని ప్రిఫర్ చేసిన NTR, బాద్ షా సినిమాతో టోటల్ గా మెస్మరైజ్ చేశాడు. ఈ సినిమా తరవాత రిలీజైన ‘రామయ్య వస్తావయ్యా’ సినిమాలో NTR కామిక్ పర్ఫామెన్స్  ఫ్యాన్స్ డైరీలో ఆల్ టైమ్ ఫేవరేట్ లిస్టులో నిలిచిపోయింది.

 

ఎక్స్ పెక్ట్ చేయని ఆంగిల్స్: 2015 లో రిలీజైన ‘టెంపర్’లో NTR చేసింది పెద్ద ప్రయోగమే. ఈ సక్సెస్ ఇచ్చిన కాన్ఫిడెన్స్ తో డిఫెరెంట్ లుక్ లో మోస్ట్ స్టైలిష్ అవతార్ లో సుకుమార్ డైరెక్షన్ లో ‘నాన్నకు ప్రేమతో’ సినిమా చేశాడు.

టార్గెట్ అదే..: సినిమా సక్సెస్ అవుతుందా..?  ఫ్లాపవుతుందా  లాంటి  మీటర్స్  కాకుండా  మ్యాగ్జిమం  ఫ్యాన్స్ ని ఎంటర్ టైన్ చేయడమే  టార్గెట్ గా ఫిక్స్ చేసుకుంటాడు NTR. ‘జనతా గ్యారేజ్’, ‘జై లవకుశ’ అరవింద సమేత సినిమాల సక్సెస్ ఆ విషయాన్ని ప్రూఫ్ చేశాయి. ప్రస్తుతం ఈ హీరో మరోసారి రాజమౌళి దర్శకత్వంలో RRR సినిమా చేస్తున్నాడు.

చేసే ప్రతి సినిమాతో ఫ్యాన్స్ కి మరింత దగ్గరవుతూ, బ్యాక్ టు బ్యాక్ హిట్స్ తో దూసుకుపోతున్న NTR, ఇంకెన్నో హైట్స్ రీచ్ అవ్వాలని, ఇలాంటి పుట్టిన రోజులు మరెన్నో జరుపుకోవాలని మనస్పూర్తిగా కోరుకుంటుంది జీ సినిమాలు.