చరణ్ సినిమాకు ఆడియో ఫంక్షన్ లేదు

రామ్ చరణ్ హీరోగా నటిస్తున్న మోస్ట్ ఎవెయిటింగ్ మూవీ ధృవ. ఈ సినిమాకు హిపాప్ ఆది సంగీతం అందిస్తున్నాడు. ఈ పాటలు ఎప్పుడు విడుదలవుతాాయాా.. ఎప్పుడు ఆడియో ఫంక్షన్ పెడతారా… అని మెగా ఫ్యాన్స్ ఈగర్ గా వెయిట్ చేస్తున్నారు. అయితే అంతా అనుకుంటున్నట్టు ధృవ సినిమాకు సంబంధించి ఆడియో ఫంక్షన్ లేదు. అవును.. ఈ సినిమా పాటల్ని నేరుగా మార్కెట్లోకి విడుదల చేసేందుకు నిర్ణయించారు. ఈనెల 9న ధృవ సాంగ్స్ నేరుగా మార్కెట్లోకి రాబోతున్నాయి.

అయితే ఆడియో ఫంక్షన్ కు బదులుగా… ప్రీ రిలీజ్ ఫంక్షన్ ను భారీగా ఏర్పాటుచేయాలని నిర్ణయించారు. గతంలో సరైనోడు సినిమాకు కూడా నిర్మాత అల్లు అరవింద్ ఇదే పద్ధతి ఫాలో అయ్యారు. పాటల్ని నేరుగాా మార్కెట్లోకి విడుదలచేసి, విశాఖలో ప్రీ-రిలీజ్ ఫంక్షన్ పెట్టారు. దానికి చిరంజీవి గెస్ట్ గా కూడా హాజరయ్యారు. ఇప్పుడు ధృవ విషయంలో కూడా అదే ఫార్మాట్ ఫాలో అవ్వాలనుకుంటున్నారు. డిసెంబర్ మొదటి వారంలో ధృవ సినిమా థియేటర్లలోకి వస్తుంది.