నిఖిల్ సినిమాకు 50 రోజులు

పెద్ద నోట్ల రద్దు వంటి క్లిష్టమైన పరిస్థితుల మధ్య విడుదలైన సినిమా ఎక్కడికి పోతావ్ చిన్నవాడా. నిఖిల్ హీరోగా, హెబ్బా పటేల్-నందిని శ్వేత హీరోయిన్లుగా నటించిన ఈ సినిమా ఘన విజయం సాధించింది. నిఖిల్ కెరీర్ లోనే బిగ్గెస్ట్ హిట్ గా నిలిచిన ఎక్కడికి పోతావ్ చిన్నవాడా తాజాగా 50రోజులు కంప్లీట్ చేసుకుంది. ఇప్పటికీ ఈ సినిమా 28 థియేటర్లలో దిగ్విజయంగా ప్రదర్శించబడుతోంది. తన సినిమా 50 రోజులు పూర్తిచేసుకున్న సందర్భంగా నిఖిల్ ట్విట్టర్ లో ఆనందాన్ని వ్యక్తంచేశాడు.

త్వరలోనే టోటల్ సినిమా యూనిట్ అందరం కలిసి ఏదో ఒక థియేటర్ లో ఎక్కడికి పోతావ్ చిన్నవాడా సినిమా చూస్తామని ఎనౌన్స్ చేశాడు నిఖిల్. ఇప్పటివరకు ఈ సినిమాకు దాదాపు 38కోట్ల రూపాయల వసూళ్లు వచ్చాయి. అటు ఓవర్సీస్ లో కూడా ఈ సినిమా మంచి విజయాన్నందుకుంది.