'నేను లోకల్' ఫస్ట్ లుక్ రిలీజ్

వరుస సినిమాలతో దూసుకుపోతున్న నాని ఈ ఏడాది దీపావళి కూడా ముందున్నానంటూ దూసుకొచ్చాడు. ఈ దీపావళి కి స్టార్ హీరోలు తమ ఫస్ట్ లుక్ తో రెడీ అవుతుంటే ఈ న్యాచురల్ స్టార్ మాత్రం హఠాత్తుగా ఎంట్రీ ఇచ్చి అందరికీ దీపావళి శుభాకాంక్షలు తెలిపాడు. ప్రస్తుతం తను నటిస్తున్న తాజా సినిమా ‘నేను లోకల్’ ఫస్ట్ లుక్ ను దీపావళి సందర్బంగా రిలీజ్ చేసాడు నాని.

దిల్ రాజు నిర్మాణం లో త్రినాధ్ రావు నక్కిన దర్శకత్వం లో తెరకెక్కుతున్న ఈ చిత్రానికి ప్రసన్న కుమార్ కథ, మాటలు, స్క్రీన్ ప్లే అందిస్తుండగా దేవి శ్రీ ప్రసాద్ మ్యూజిక్ అందిస్తున్నాడు. ప్రస్తుతం షూటింగ్ జరుపుకుంటున్న ఈ చిత్రం డిసెంబర్ లో క్రిస్మస్ కానుకగా విడుదల చెయ్యడానికి సన్నాహాలు చేస్తున్నారు యూనిట్..