ఒకేసారి థియేటర్లలోకి...

 ఒక ఆత్మ, మరో దెయ్యం ఒకేసారి థియేటర్లలోకి రాబోతున్నాయి. రెండూ ఒకే జానర్ సినిమాలు. కానీ రెండూ వేటికవే భిన్నమైనవి. ఒకటి దెయ్యంతో కామెడీ పండించడానికి సిద్ధమౌతుంటే… ఇంకోటి ఆత్మతో భయపెట్టడానికి రెడీ అవుతోంది. నవంబర్ 11న ఆ రెండు సినిమాలు హల్ చల్ చేయబోతున్నాయి.

నిఖిల్ హీరోగా నటించిన ‘ఎక్కడికి పోతావు చిన్నవాడా’, అల్లరి నరేష్ నటించిన ‘ఇంట్లో దెయ్యం నాకేం భయ్యం’ ఒకేసారి రిలీజ్ కి రెడీ అయ్యాయి. ఆత్మకి మనిషికి మధ్య నడిచే థ్రిల్లర్ లవ్ స్టోరీగా నిఖిల్ సినిమా తెరకెక్కింది. కుమారి 21 F తో కుర్రాళ్ళ గుండెల్ని కొల్లగొట్టిన హెబ్బా పటేల్ ఇందులో ఘోస్ట్ గర్ల్ ఫ్రెండ్ గా థ్రిల్ చేయనుంది. ఈ సినిమాకి వి.ఐ. ఆనంద్ డైరెక్టర్.

ఇక అల్లరి నరేష్ సినిమాలో నవ్వించడమే టార్గెట్ గా పెట్టుకుంది దెయ్యం. జి. నాగేశ్వర్ రెడ్డి డైరెక్షన్ లో తెరకెక్కిన ఈ హారర్ కామెడీతో మంచి హిట్ కొట్టాలని అల్లరోడు ఫిక్స్ అయిపోయాడు. అయితే ఇందులో దెయ్యం ఎవరు..? కామెడీ ఏ రూపంలో పండుతుంది అనేది మాత్రం ప్రస్తుతానికి సస్పెన్స్.