నాని చేతికి రవితేజ సినిమా...?

Thursday,October 27,2016 - 11:08 by Z_CLU

ఇప్పటికే నాని కెరీర్ ఓ రేంజ్ లో పరుగులు పెడుతోంది. ఏ సినిమా చేస్తే అది హిట్ అవుతోంది. అలా హ్యాట్రిక్ విజయాలతో దూసుకుపోతున్న ఈ నేచురల్ స్టార్.. తన కెరీర్ ను మరింత స్పీడప్ చేయాలని నిర్ణయించుకున్నాడు. ప్రస్తుతం దిల్ రాజు బ్యానర్ లో నేను లోకల్ అనే సినిమా చేస్తున్న ఈ యంగ్ స్టర్… మరోసారి అదే బ్యానర్ లో ఇంకో మూవీ చేసేందుకు డిసైడ్ అయ్యాడు. అది కూడా అలాంటిలాంటి సినిమా కాదు. ఎప్పట్నుంచో రాజుగారి వాకిట్లో తచ్చాడుతున్న మూవీ.

   అవును… వేణుశ్రీరామ్ దర్శకత్వంలో ఓ సినిమాను నిర్మించేందుకు దిల్ రాజు చాలా రోజులుగా ప్రయత్నిస్తున్నాడు. మొదట ఇందులో హీరోగా రవితేజను అనుకున్నారు. సినిమాకు టైటిల్ కూడా ఫిక్స్ చేశారు. కానీ అనుకోని కారణాల వల్ల మాస్ రాజా తప్పుకోవడంతో… తర్వాత ఆ కథ నాగార్జున వద్దకు వెళ్లింది. కానీ ఎఁదుకో నాగార్జున కూడా సైడ్ అయిపోయాడు. ఇప్పుడు ఈ కథ నాని చెంతకు చేరింది. ఈసారి నాని గ్రీన్ సిగ్నల్ ఇచ్చాడని తెలుస్తోంది.