మరోసారి నిర్మాతగా నాని...ప్రీ ప్రొడక్షన్ వర్క్ స్టార్ట్ ...

వరుస సూపర్ హిట్స్ అందుకుంటూ దూసుకెళ్తున్న నేచురల్ స్టార్ నాని మరో సారి నిర్మాత అవతారమెత్తడానికి రెడీ అవుతున్నాడట. గతంలో ‘డి ఫర్ దోపిడీ’ అనే సినిమాకు నిర్మాతగా భాగస్వామ్యం వహించిన నాని మళ్ళీ ఆ తర్వాత నిర్మాణం వైపు వెళ్ళలేదు.. అయితే ఎన్నో సందర్భాలలో నిర్మాతగా తెలుగు ప్రేక్షకులకు మంచి సినిమాలు అందించాలనుందని  తెలిపిన నాని ఇప్పుడు  ఆ దిశగా అడుగు లేస్తు న్నాడట.

ప్రస్తుతం ప్రశాంత్ వర్మ అనే షార్ట్ ఫిలిం మేకర్ దర్శకత్వంలో నాని నిర్మాతగా ఓ సినిమా ప్లాన్ చేస్తున్నాడని, ఇప్పటికే ఈ సినిమాకు సంబంధించి ప్రీ ప్రొడక్షన్ వర్క్ కూడా స్టార్ట్ అయిందని టాక్.. ఇటీవలే నిర్మాతగా ఎవరూ చేయలేని సినిమాలను నిర్మిస్తానని కొత్త కాన్సెప్ట్ తో నిర్మాతగా సినిమాలు చేస్తానని చెప్పిన నాని మరి ఈ సినిమాకు ఎలాంటి స్క్రిప్ట్ సెలెక్ట్ చేసాడో…తెలియాలంటే ఇంకొన్ని రోజులు వెయిట్ చేయాల్సిందే.