'మన్మధుడు 2' రియల్ జర్నీ

జస్ట్ ఒక్క సినిమా ‘చి.ల.సౌ’. సక్సెస్ రాహుల్ రవీంద్రన్ ని నాగార్జున సినిమాకి దర్శకత్వం వహించే స్థాయికి తీసుకువెళ్ళింది. అందునా నాగ్ బ్లాక్ బస్టర్ సినిమా ‘మన్మధుడు’ టైటిల్ తో… అసలీ సినిమా జర్నీ ఎలా బిగిన్ అయిందంటే…

స్టేజ్ 1 : అవి ‘చి.ల.సౌ.’ సినిమా ప్రీ రిలీజ్ ఫార్మాలిటీస్ లో మేకర్స్ బిజీగా ఉన్నప్పటి రోజులు. ఆ సినిమా చూసిన నాగ్ రాహుల్ రవీంద్రన్ ని అప్రీషియేట్ చేయడం జరిగింది. సక్సెస్ గ్యారంటీ అన్న కాన్ఫిడెన్స్ తో, సినిమాని తన బ్యానర్ లోనే రిలీజ్ చేయాలని డెసిషన్ తీసుకోవడం కూడా జరిగిపోయింది. ఈ హడావిడిలోనే నాగార్జున రాహుల్ రవీంద్రన్ కి ఈ సినిమా ఆఫర్ ఇచ్చాడు. నిజానికి ఫ్రెంచ్ సినిమాకి రీమేక్ చేయాలన్న ఆలోచన రాహుల్ ది కాదు. నాగార్జున ది.

స్టేజ్ 2 : ‘మన్మధుడు 2’ ఫ్రెంచ్ సినిమాకి రీమేకే అయినా తెలుగు వరకు వచ్చేసరికి కథ చాలా మారింది. చి.ల.సౌ. స్క్రిప్ట్ ని జస్ట్ 10 రోజుల్లో కంప్లీట్ చెసుకున్న దర్శకుడు, ఈ సినిమా వరకు వచ్చేసరికి చాలా మార్పులు, చేర్పులు చేసుకున్నాడు. ఓ రకంగా చెప్పాలంటే కథను రాసుకున్నది రాహులే అయినా, సూపర్ విజన్ మొత్తం నాగార్జున దే.

స్టేజ్ 3 : ఫ్రెంచ్ సినిమా కథను బట్టి నిజానికి హీరో ఏజ్డ్ కాదు. కానీ తెలుగులో అలాగే ప్రెజెంట్ చేయాలన్న నిర్ణయం నాగార్జునది. రాహుల్ చేత క్యారెక్టరైజేషన్ దగ్గరి నుండి డైలాగ్స్ వరకు తన నిర్ణయం మేరకే సెటైరికల్ గా  రాయించుకున్నాడు.

స్టేజ్ 4 : ‘మన్మధుడు 2’ లో నటించిన ప్రతి యాక్టర్ సీనియరే. దాంతో రాహుల్ కి ఈ సినిమా జర్నీ కూడా చాలా ఈజీ అయింది. కథలోని ప్రతి పాయింట్ ని పర్టికులర్ గా రాసుకున్న దర్శకుడు, పర్ఫామెన్స్ వరకు వచ్చేసరికి, ఎలాంటి సలహాలు ఇవ్వలేదు.. న్యాచురల్ గా ఎవరి స్టైల్ లో వాళ్ళు పర్ఫామ్ చేశారు.

స్టేజ్ 5 : ఫ్రెంచ్ కథను బట్టి సమంతా రోల్ సినిమాకి అవసరం లేదు. కానీ రాహుల్ చాలా కేర్ తీసుకుని సినిమాలో ఓ క్యారెక్టర్ డిజైన్ చేసుకున్నాడు. ఈ క్యారెక్టర్ కోసం నాగార్జున ప్రమేయం కూడా లేకుండానే స్యామ్ ని కన్విన్స్ చేసుకున్నాడు.