ఫినిషింగ్ టచ్ ఇస్తున్న నాగచైతన్య

గ్యాప్ లేకుండా సినిమాలు చేయడం నాగచైతన్య స్టయిల్. ఒక సినిమా సెట్స్ పై ఉంటుండగానే మరో సినిమా స్టార్ట్ చేస్తాడు. ప్రస్తుతమైతే ఒకేసారి రెండు సినిమాలు చేస్తున్నాడు. ఓవైపు సవ్యసాచి సినిమా చేస్తూనే, మరోవైపు మారుతి దర్శకత్వంలో నటిస్తున్నాడు. ఈ రెండు సినిమాల్లో ఇప్పుడు సవ్యసాచిని ఓ కొలిక్కి తీసుకొచ్చాడు చైతూ

సవ్యసాచి ఆఖరి షెడ్యూల్ న్యూయార్క్ లో మొదలైంది. ప్రస్తుతం నాగచైతన్య, హీరోయిన్ నిధి అగర్వాల్ మధ్య ఓ సాంగ్ తీస్తున్నారు. దీంతో పాటు చైతూ, నిధి, వెన్నెల కిషోర్, షకలక శంకర్ మధ్య మరికొన్ని సన్నివేశాలు తీయబోతున్నారు. దీంతో ఈ మూవీ టోటల్ షూటింగ్ కంప్లీట్ అయిపోతుంది.

ఈ సినిమాలో భూమిక, మాధవన్ కీలక పాత్రలు పోషిస్తున్నారు. కీరవాణి సంగీతం అందిస్తున్న ఈ సినిమా మైత్రీ మూవీ మేకర్స్ బ్యానర్ పై తెరకెక్కుతోంది.