జస్ట్ 15 రోజుల ముందు ఆగిన సినిమా

లాక్ డౌన్ కారణంగా ఆఖరి నిమిషంలో ఆగిపోయిన పెద్ద సినిమాగా మిగిలిపోయింది ‘V’. సేమ్ ఇదే టైపులో ఆఖరి నిమిషంలో షూటింగ్ ఆగిపోయిన సినిమాగా నిలిచింది ‘లవ్ స్టోరీ’. అవును.. కాస్త లేటుగా లాక్ డౌన్ పడినట్టయితే ఈ సినిమా కంప్లీట్ అయ్యేది. ఈ పాటికి ఫస్ట్ కాపీ కూడా రెడీ అయ్యేదేమో.

సరిగ్గా గుమ్మడికాయ కొట్టడానికి కొన్ని రోజుల ముందు ‘లవ్ స్టోరీ’ సినిమా ఆగిపోయిందంటున్నాడు ఆ సినిమా నిర్మాత. 15 రోజులు టైమ్ దొరికితే సినిమా మొత్తం (ప్యాచ్ వర్క్ తో సహా) కంప్లీట్ అయ్యేదని, ఇప్పుడా 15 రోజుల షూట్ కోసం 3 నెలలుగా ఎదురుచూస్తున్నామంటున్నాడు.

‘ఆర్ఆర్ఆర్’, ‘ఆచార్య’ లాంటి సినిమాలకు పెండింగ్ వర్క్ చాలా ఉంది. ‘ఆర్ఆర్ఆర్’ 70శాతం కంప్లీట్ అయితే.. ‘ఆచార్య’ 40శాతం మాత్రమే కంప్లీట్ అయింది. కానీ ఇలా జస్ట్ 2 వారాల్లో షూట్ కంప్లీట్ అవుతుందనగా అగిపోయిన పెద్ద సినిమా ‘లవ్ స్టోరీ’ మాత్రమే.

మళ్లీ ఎప్పుడు ఈ సినిమా సెట్స్ పైకి వెళ్తుందో నిర్మాతలు కూడా చెప్పలేకపోతున్నారు.