NagaShaurya 'లక్ష్య' రిలీజ్ డేట్ !
Wednesday,November 24,2021 - 05:00 by Z_CLU
యంగ్ హీరో నాగ శౌర్య కెరీర్లో లాండ్ మార్క్గా రాబోతోన్న 20వ చిత్రం ‘లక్ష్య‘ విడుదల తేదీని ప్రకటించారు. సంతోష్ జాగర్లపూడి దర్శకుడిగా పరిచయం కాబోతోన్న ఈ స్పోర్ట్స్ డ్రామా డిసెంబర్ 10న విడుదల కానుంది. విడుదల తేదీని ప్రకటిస్తూ రిలీజ్ చేసిన పోస్టర్లో నాగ శౌర్య లుక్, హెయిర్ స్టైల్, బాణాన్ని ఎక్కు పెట్టిన తీరు అందరినీ ఆకట్టుకునేలా ఉంది.
సినిమాకు సంబంధించి పోస్ట్ ప్రొడక్షన్ పనులు పూర్తయ్యాయి. విలు విద్యలో ప్రత్యేక శిక్షణ తీసుకున్న నాగ శౌర్య.. ఇది వరకు ఎన్నడూ కనిపించని కొత్త అవతారంలో కనిపించబోతోన్నారు. ఈ సినిమాలో నాగ శౌర్య రెండు విభిన్నమైన గెటప్స్లో కనిపించనున్నాడు. శౌర్య సరసన కేతిక శర్మ హీరోయిన్గా నటిస్తున్నారు.
సోనాలి నారంగ్ సమర్ఫణలో శ్రీవెంకటేశ్వర సినిమాస్ ఎల్ఎల్పి, నార్త్ స్టార్ ఎంటర్టైన్మెంట్ ప్రై. లి. బ్యానర్లపై నారాయణ్ దాస్ కే నారంగ్, పుస్కర్ రామ్ మోహన్ రావు, శరత్ మరార్ సంయుక్తంగా నిర్మిస్తున్నారు.
విభిన్న కథా నేపథ్యంతో సంతోష్ జాగర్లపూడి ప్రేక్షకులను అలరించబోతున్నారు.కాళ భైరవ సంగీతాన్ని సమకూర్చగా.. రామ్ రెడ్డి సినిమాటోగ్రఫర్గా, జునైద్ ఎడిటర్గా బాధ్యతలు నిర్వర్తిస్తున్నారు.