#NS24 కొత్త సినిమా ఎనౌన్స్ చేసిన శౌర్య

ప్రామిసింగ్ హీరో నాగ శౌర్య (Naga Shaurya) ఇటీవల తన తదుపరి సినిమాలు ఒకదాని కొకటి భిన్నంగా, కమర్షియల్ గా విజయాలు అందుకునే చిత్రాలుగా ఉంటాయని ప్రకటించారు. ఈరోజు శౌర్య తన 24వ సినిమాను అధికారికంగా ప్రకటించారు. #NS24 సినిమాకు ఎస్ఎస్ అరుణాచలం దర్శకత్వం వహించనున్నారు. ఫ్యామిలీ యాక్షన్ ఎంటర్‌ టైనర్‌గా రూపొందనున్న ఈ సినిమా నాగశౌర్యకు పర్ఫెక్ట్ యాప్ట్ స్క్రిప్ట్ అని మేకర్స్ తెలియజేశారు.

వైష్ణవి ఫిలింస్ బ్యానర్‌ పై ప్రొడక్షన్ నెం 1 గా శ్రీనివాసరావు చింతలపూడి, విజయ్ కుమార్ చింతలపూడి, డాక్టర్ అశోక్ కుమార్ చింతలపూడి ఈ సినిమాను నిర్మించనున్నారు. బేబీ అద్వైత, భవిష్య ఈ చిత్రాన్ని సమర్పిస్తున్నారు.

దర్శకుడు ఎస్‌ఎస్‌ అరుణాచలం సరికొత్త కథ -కథనంతో తీయబోతున్న ఈ సినిమాలో నాగశౌర్య విభిన్నమైన పాత్రలో కనిపించనున్నాడట. ఇంకా టైటిల్ ఖరారు కాని ఈ సినిమా త్వరలో గ్రాండ్ గా లాంచ్ అవ్వనుంది. కొందరు ప్రముఖ నటీనటులు కీలక పాత్రలు పోషిస్తుండగా, అగ్రశ్రేణి సాంకేతిక నిపుణులు ఈ చిత్రానికి పని చేయబోతున్నారు.

ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను మేకర్స్ త్వరలో తెలియజేయనున్నారు.