యాక్షన్ సీక్వెన్సెస్ మేకింగ్ ప్రాసెస్ లో ‘గాయత్రి’

మోహన్ బాబు నటిస్తున్న హై ఇంటెన్సివ్ థ్రిల్లర్ ‘గాయత్రి’ ప్రస్తుతం రామోజీ ఫిల్మ్ సిటీలో షూటింగ్ జరుపుకుంటుంది. ఫైట్ మాస్టర్ కనల్ కణ్ణన్ అధ్వర్యంలో ప్రస్తుతం యాక్షన్ సీక్వెన్సెస్ ని తెరకెక్కించే ప్రాసెస్ లో ఉంది గాయత్రి టీమ్.

అయితే ఈ సినిమాలో మోహన్ బాబు డ్యూయల్ రోల్ లో నటిస్తున్న విషయం తెలిసిందే. అయితే ప్రస్తుతం ఈ రెండు క్యారెక్టర్స్ మధ్య జరిగే ఫైట్ సీక్వెన్సెస్ ని తెరకెక్కిస్తుంది సినిమా యూనిట్, ఈ సీక్వెన్సెస్ కోసం ఆస్ట్రేలియా నుండి తెప్పించిన ‘నేరో మోషన్ కంట్రోల్’ స్టంట్ రిగ్ వాడుతున్నట్లు సమాచారం.

గత వారం రోజులుగా ఈ యాక్షన్ మేకింగ్ ప్రాసెస్ లో ఉన్న గాయత్రి టీమ్, మరో 4 రోజుల్లో ఈ షెడ్యూల్ కి ప్యాకప్ చెప్పనున్నట్లు తెలుస్తుంది. ఈ సినిమాలో విష్ణు మంచు కీ రోల్ ప్లే చేస్తున్నాడు. విష్ణు సరసన శ్రియ హీరోయిన్ గా నటిస్తుంది. ఫిబ్రవరి 9 న రిలీజవుతున్న ఈ సినిమా మదన్ డైరెక్షన్ లో తెరకెక్కుతుంది.