'అహం బ్రహ్మస్మి' అంటున్న మంచు మనోజ్

‘ఒక్కడు మిగిలాడు’ సినిమా తర్వాత గ్యాప్ తీసుకున్న మంచు మనోజ్ ఎట్టకేలకు నెక్స్ట్ సినిమాను అనౌన్స్ చేసాడు. శ్రీకాంత్ రెడ్డి అనే దర్శకుడిని పరిచయం చేస్తూ ‘అహం బ్రహ్మస్మి’ టైటిల్ తో సినిమా చేయబోతున్నాడు మనోజ్. ఈ సినిమాతో నిర్మాతగా మారబోతున్నాడు. ఇటివలే ఎం.ఎం.ఆర్ట్స్ అనే బ్యానర్ స్థాపించిన మనోజ అదే బ్యానర్ మీద నిర్మల దేవితో కలిసి ‘అహం బ్రహ్మస్మి’ సినిమాను నిర్మిస్తున్నాడు.

భారీ బడ్జెట్ తో తెరకెక్కనున్న ఈ సినిమా పాన్ ఇండియా సినిమాగా రూపొందనుంది. తెలుగు, హిందీ , తమిళ్. కన్నడ భాషల్లో రిలీజ్ చేయబోతున్నారు. ప్రస్తుతం ప్రీ ప్రొడక్షన్ వర్క్ జరుపుకుంటున్న ఈ సినిమా మార్చ్ 6న గ్రాండ్ గా లాంచ్ కానుంది. అదే రోజు సినిమాకు సంబంధించి నటీ నటులు , సాంకేతిక నిపుణుల  పూర్తి వివరాలు తెలియజేయనున్నారు.