ప్యాంగ్ యాంగ్ లో జై మాహిష్మతి

బాహుబలి దుమ్ము దులిపింది. నేషనల్ లెవెల్లో హిట్ అవ్వడమే గొప్ప అనుకుంటే… ఇంటర్నేషనల్ లెవెల్లో కూడా ఈ సినిమా కలెక్షన్ల వర్షం కురిపించింది. ప్రస్తుతం బాహుబలి-2 సినిమా సెట్స్ పై ఉంది. రిలీజ్ డేట్ కూడా ఎనౌన్స్ చేశారు. మరోవైపు పార్ట్-1 మాత్రం ఇంకా వివిధ దేశాల్లో రౌండ్స్ కొడుతూనే ఉంది. తాజాగా ఉత్తర కొరియా సినీప్రేక్షకుల్ని బాహుబలి ఎట్రాక్ట్ చేసింది. ఎంతలా అంటే.. అక్కడి సినీ అభిమానులు జై మాహిష్మతి అంటూ సరదాగా ఒకర్నొకరు పలకరించుకుంటున్నారు.

   నార్త్ కొరియాలో జరుగుతున్న 15వ ప్యాంగ్ యాగ్ ఇంటర్నేషనల్ ఫిలింఫెస్టివల్ లో బాహుబలి సినిమా సెంటరాఫ్ ఎట్రాక్షన్ గా మారింది. ఈ సినిమాను చూసేందుకు అక్కడి జనాలు ఎగబడ్డారు.

కేవలం 3 షోలు వేస్తే, 5వేల మంది వచ్చారంటే బాహుబలి క్రేజ్ అర్థంచేసుకోవచ్చు. ప్రపంచవ్యాప్తంగా 6వందల కోట్ల రూపాయల వసూళ్లు రాబట్టిన ఈ సినిమా ఇంకా కలెక్షన్లు సృష్టిస్తూనే ఉంది.