బాక్సాఫీస్ దుమ్ముదులపడానికి రెడీ...

మెగాస్టార్ చిరంజీవి ఎప్పుడు రీఎంట్రీ ఇస్తాడా.. ఎలాంటి సినిమాతో వెండితెరపైకొస్తాడా అని ఎదురుచూసిన అశేష అభిమానులకు ఫుల్ మీల్స్ లాంటి సినిమా రెడీచేశాడు చిరంజీవి. మొన్నటివరకు సాంగ్స్ తో హల్ చల్ చేసిన ఈ సినిమాకు సంబంధించి, ఈరోజు నుంచి సరికొత్త ప్రచారం షురూ అయింది.

ఫ్యాన్స్ ఎప్పుడెప్పుడా అని ఎదురుచూస్తున్న మేకింగ్ వీడియోస్ ఈరోజు నుంచి ప్రారంభం అయ్యాయి. ఫస్ట్ ఎటెంప్ట్ లో భాగంగా ఏకంగా ఫైట్ మేకింగ్ వీడియోనే విడుదల చేసి మెగాఫ్యాన్స్ లో ఉత్సాహం నింపాడు చిరంజీవి.

ఈ వీడియోలో చిరంజీవి గ్రేస్, స్టయిల్ చూసి ఫ్యాన్స్ పండగ చేసుకుంటున్నారు. లెక్కలేనన్ని క్లిక్స్, లైక్స్, వ్యూస్ తో తమ ప్రేమను చూపిస్తున్నారు. ఈ ఒకే ఒక్క మేకింగ్ వీడియోతో సినిమాపై అంచనాల్ని మరింతగా పెంచేశాాడు చిరు.

మరికొన్ని గంటల్లో ప్రీ-రిలీజ్ ఫంక్షన్ ఉందనగా, ఈ వీడియోను విడుదల చేయడం నిజంగా సంక్రాంతి ఫ్లేవర్ అప్పుడే స్టార్ట్ అయిపోయిందనే ఫీలింగ్ ను కలిగించింది. ఇక ప్రీ-రిలీజ్ ఫంక్షన్ రోజున థియేట్రికల్ ట్రయిలర్ రిలీజ్ తో పండగను ముందే ప్రారంభించబోతున్నాడు మెగాస్టార్. ఇప్పుడు ఫ్యాన్స్ అంతా చేస్తున్న నినాదం ఒకటే.. బాస్ ఈజ్ బ్యాక్.