మహానటి టీజర్ – అదరగొట్టిన కీర్తి సురేష్

ప్రస్తుతం టాలీవుడ్ లో వన్ ఆఫ్ ది మోస్ట్ అవేటెడ్ మూవీ మహానటి. సీనియర్ నటి సావిత్రి  లైఫ్ లోని సినిమా కరియర్ తో పాటు ఇమోషనల్ ఆంగిల్ ని ఎలివేట్ చేస్తూ నాగ్ అశ్విన్ డైరెక్షన్ లో తెరకెక్కుతున్న ఈ బయోపిక్ టీజర్ ఈ రోజు రిలీజైంది.

టీజర్ చూసిన వెంటనే అప్పుడే అయిపోయిందా అన్న ఫీలింగ్ కలుగుతుంది. ఆ రేంజ్ లో ఇంపాక్ట్ క్రియేట్ చేస్తుంది 0:50 సెకన్ల పాటు ఉన్న ఈ టీజర్. జర్నలిస్ట్ గా పనిచేసే సమంతా టైప్ రైటర్ లో  ‘అనగనగా ఒక మహానటి…’ అంటూ సావిత్రి  గురించి టైప్ చేయడంతో బిగిన్ అయ్యే ఈ టీజర్,  సావిత్రికి ఫ్యాన్స్ లో ఉన్న క్రేజ్ తో పాటు, దుల్కర్ సల్మాన్ కాంబినేషన్ లో తన పర్సనల్ లైఫ్ మచ్చుకు ఎలివేట్ చేస్తుంది.

ఈ సినిమా కోసం నాగ అశ్విన్ చేసిన రీసర్చ్ విషయం కాసేపు పక్కన పెడితే సావిత్రిగా కీర్తి సురేష్ అందరి మనసులు గెలుచుకోవడం ఖాయమనిపిస్తుంది. కీర్తి సురేష్ గత సినిమాలతో పోలిస్తే, సావిత్రిలా బాడీ లాంగ్వేజ్ ని ప్రెజెంట్ చేయడంతో పాటు, 80 ల నాటి హావభావాలను అడాప్ట్ చేసుకున్న తీరు సూపర్బ్ అనిపిస్తుంది. ఈ సినిమాతో కీర్తి సురేష్ కూడా అందరి చేత ‘మహానటి’ అనిపించుకోవడం గ్యారంటీ.

మే 9 న రిలీజ్ కి రెడీ అవుతున్న ఈ సినిమాకి మరింత డిమాండ్ ని క్రియేట్ చేస్తుంది మహానటి టీజర్. నాగ్ అశ్విన్ డైరెక్షన్ లో తెరకెక్కుతున్న ఈ సినిమాకి మిక్కీ జె. మేయర్ మ్యూజిక్ కంపోజర్.