'కౌసల్య కృష్ణమూర్తి' రిలీజ్ డేట్ ఫిక్స్

ఐశ్వర్యా రాజేష్‌, రాజేంద్రప్రసాద్‌, కార్తీక్‌ రాజు, వెన్నెల కిషోర్‌ ముఖ్య పాత్రల్లో క్రియేటివ్‌ కమర్షియల్స్‌ పతాకంపై భీమనేని శ్రీనివాసరావు దర్శకత్వంలో తెరకెక్కిన సినిమా కౌసల్య కృష్ణమూర్తి. కేఎస్. రామారావు సమర్పణలో వల్లభ నిర్మిస్తున్న విభిన్న కథా చిత్రమిది. ఈ చిత్రం సెన్సార్‌ పూర్తి చేసుకొని క్లీన్‌ ‘యు’ సర్టిఫికెట్‌ పొందింది. అన్ని కార్యక్రమాలు పూర్తి చేసి ఈ చిత్రాన్ని ఆగస్ట్‌ 23న ప్రపంచవ్యాప్తంగా విడుదల చేస్తున్నారు.

ఈ చిత్రంలో ప్రత్యేక పాత్రలో ప్రముఖ తమిళ హీరో శివ కార్తికేయన్‌ నటించాడు. ఇందులో మెయిన్ లీడ్ పోషించిన ఐశ్వర్య రాజేష్ నిజానికి తెలుగమ్మాయే. కానీ తమిళ్ లో బాగా పాపులర్ అయింది. ఇప్పుడు కౌసల్య కృష్ణమూర్తి సినిమాతో తెలుగులో ఎంట్రీ ఇస్తోంది. ఈ అమ్మాయి సీనియర్‌ నటుడు అమర్‌నాథ్‌ మనవరాలు. అలాగే నటుడు రాజేష్‌ కుమార్తె.

రీమేక్‌ సినిమా అయినప్పటికీ ఒక స్ట్రయిట్ సినిమా కంటే ఎక్కువ ఎఫెర్ట్‌ పెట్టి చేశామంటున్నాడు దర్శకుడు భీమనేని శ్రీనివాసరావు. రేపు ఈ సినిమా ప్రీ-రిలీజ్‌ ఈవెంట్‌ను ప్లాన్‌ చేశారు.

నటీనటులు
ఐశ్వర్యా రాజేష్‌, రాజేంద్రప్రసాద్‌, శివకార్తికేయన్‌, కార్తీక్‌రాజు, ఝాన్సీ, సి.వి.ఎల్‌.నరసింహారావు, వెన్నెల కిశోర్‌, ‘రంగస్థలం’ మహేశ్‌, విష్ణు(టాక్సీవాలా ఫేమ్‌), రవిప్రకాశ్‌ తదితరులు
టెక్నీషియన్స్
సినిమాటోగ్రఫీ: ఆండ్రూ
ఎడిటింగ్‌: కోటగిరి వెంకటేశ్వరరావు
సంగీతం: దిబు నినన్
కథ: అరుణ్‌రాజ కామరాజ్
మాటలు: హనుమాన్‌ చౌదరి
పాటలు: రామజోగయ్యశాస్త్రి, కృష్ణ కాంత్‌ (కెకె), కాసర్ల శ్యామ్‌, రాంబాబు గోసల,
ఫైట్స్‌: డ్రాగన్‌ ప్రకాశ్‌
డాన్స్‌: శేఖర్‌, భాను
సమర్పణ: కె.ఎస్‌.రామారావు
నిర్మాత: కె.ఎ.వల్లభ
దర్శకత్వం: భీమనేని శ్రీనివాసరావు