కమ్మరాజ్యంలో కడప రెడ్లు వస్తున్నారు

వివాదాస్పద దర్శకుడు రాంగోపాల్ వర్మ మరో సినిమా రెడీ చేశాడు. ప్రస్తుతం రాజకీయ పరిస్థితుల్ని తనదైన స్టయిల్ లో చూపించే ప్రయత్నం చేస్తున్నాడు. దీనికి కమ్మరాజ్యంలో కడపరెడ్లు అనే టైటిల్ ఫిక్స్ చేశాడు. ఇప్పటికే సోషల్ మీడియాలో సంచలనంగా మారింది ఈ సినిమా ట్రయిలర్. దీనికి తోడు తాజాగా విడుదలచేసిన సాంగ్స్ కూడా ట్రెండ్ అయ్యాయి. ఇదే ఊపులో సినిమాను రిలీజ్ కు రెడీ చేశారు.

ఈనెల 29న కమ్మరాజ్యంలో కడపరెడ్లు సినిమా థియేటర్లలోకి వస్తోంది. సిద్దార్థ తాతోలు దర్శకత్వం వహిస్తున్న ఈ సినిమాకు రామ్ గోపాల్ వర్మ కథ-మాటలు అందించాడు. ప్యాక్షనిజం, రౌడీయిజమ్, రాజకీయ నేపద్యాలలో సాగే కమర్షియల్ ఎంటర్టైనర్ ఇది అంటున్నాడు ఆర్జీవీ. ఇందులో ఏడు పాటలున్నాయి.

టి.అంజ‌య్య స‌మ‌ర్ప‌ణ‌లో నిర్మితమవుతున్న ఈ చిత్రానికి న‌రేష్‌కుమార్‌, శ్రీ‌ధర్ నిర్మాతలు. లక్ష్మీస్ ఎన్టీఆర్ తో వివాదాలకు కేంద్రబిందువైన వర్మ, ఈ కొత్త సినిమాతో మరిన్ని వివాదాలు సృష్టించబోతున్నాడు.