కాలా టీజర్ రిలీజ్ డేట్ ఫిక్స్

రజనీకాంత్ అప్ కమింగ్ మూవీ కాలా సినిమాకు సంబంధించి ప్రచార కార్యక్రమాలు ఊపందుకున్నాయి. ఇప్పటికే రిలీజ్ డేట్ ప్రకటించిన మేకర్స్.. ఇప్పుడు టీజర్ రిలీజ్ డేట్ కూడా ఎనౌన్స్ చేశారు. మార్చి 1న అంటే మరో 5 రోజుల్లో కాలా టీజర్ రాబోతోంది.

మాఫియా డాన్ గా రజనీకాంత్ నటించిన సినిమా కాలా. గతంలో సూపర్ స్టార్ తో కబాలి సినిమాను తెరకెక్కించిన పా రంజిత్ ఈ సినిమాకు దర్శకుడు. రజనీకాంత్ అల్లుడు ధనుష్, తన సొంత ప్రొడక్షన్ కంపెనీపై నిర్మించిన చిత్రమిది.

రజనీ సరసన హుమా ఖురేషీ హీరోయిన్ గా నటించిన ఈ సినిమాలో నానా పటేకర్ విలన్ గా కనిపించున్నారు. సమ్మర్ ఎట్రాక్షన్ గా ఏప్రిల్ 27న కాలా సినిమా ప్రపంచవ్యాప్తంగా ఒకేసారి విడుదలకానుంది. తెలుగులో ఈ సినిమాను ప్రముఖ నిర్మాత ఎన్వీ ప్రసాద్ రిలీజ్ చేస్తున్నారు.