కోటి వ్యూస్ కొల్లగొట్టిన జై లవకుశ

ఎన్టీఆర్ నటిస్తున్న జై లవకుశ సినిమా కోటి వ్యూస్ కొల్లగొట్టింది. అది కూడా కేవలం యూట్యూబ్ లోనే కావడం విశేషం. ఇలా అతి తక్కువ టైమ్ లో యూట్యూబ్ లో కోటి వ్యూస్ రాబట్టిన సినిమాగా బాహుబలి-2 తర్వాత జై లవకుశ నిలిచింది. విడుదలైన 48 గంటల్లోనే ఈ సినిమా యూట్యూబ్, ఫేస్ బుక్ లో కలుపుకొని కోటి వ్యూస్ దక్కించుకుంది. ఇప్పుడు ఒక్క యూట్యూబ్ లోనే ఈ టీజర్ కు కోటి వ్యూస్ వచ్చాయి.

జై లవకుశ సినిమాలో ఎన్టీఆర్ 3 డిఫరెంట్ గెటప్స్ లో కనిపించబోతున్నాడు. వీటిలో జై అనే పాత్ర నెగెటివ్ ఛాయల్లో కనిపిస్తుంది. ఆ పాత్రకు సంబంధించిన టీజర్ నే మొదట విడుదల చేసి చిన్నపాటి షాకిచ్చారు. ఎవరూ ఊహించని విధంగా టీజర్ ఉండడంతో సూపర్ గా క్లిక్ అయింది. అందుకే ఇన్ని వ్యూస్ వచ్చాయి.

బాబి దర్శకత్వంలో తెరకెక్కుతున్న ఈ సినిమాను దసరా బరిలో దించబోతున్నారు. సెప్టెంబర్ 21న ఈ సినిమాను రిలీజ్ చేస్తారు. రాశి ఖన్నా, నివేత థామస్ ఇందులో హీరోయిన్లుగా నటిస్తున్నారు. దేవిశ్రీ ప్రసాద్ ఈ సినిమాకు సంగీత దర్శకుడు.