Nikhil & Sudheer Varma - మరోసారి కలిసిన క్రేజీ కాంబో
Saturday,October 16,2021 - 04:09 by Z_CLU
Hero Nikhil and Sudheer Varma Join Hands again for an action entertainer
వరుస విజయాలతో అందరినీ ఆకట్టుకుంటున్న యువ కథానాయకుడు నిఖిల్ హీరోగా, వైవిధ్యమైన చిత్రాలను స్టైలిష్గా తెరకెక్కించే డైరెక్టర్ సుధీర్ వర్మ కాంబినేషన్లో భారీ యాక్షన్ ఎంటర్టైనర్ రూపొందనుంది. ప్రముఖ నిర్మాణ సంస్థ శ్రీ వెంకటేశ్వర సినీ చిత్ర ఎల్ఎల్పి బ్యానర్పై రూపొందుతోన్న 32వ చిత్రమిది. ఈ బ్యానర్పై ఎన్నో సూపర్ డూపర్ హిట్ చిత్రాలను అందించిన నిర్మాతగా తనదైన స్థానాన్ని సంపాదించుకున్న సీనియర్ అండ్ అన్కాంప్రమైజ్డ్ ప్రొడ్యూసర్ బి.వి.ఎస్.ఎన్.ప్రసాద్ ఈ చిత్రాన్ని నిర్మిస్తున్నారు.
‘స్వామిరారా, కేశవ’ వంటి సూపర్ డూపర్ హిట్ చిత్రాల తర్వాత సక్సెస్ ఫుల్ కాంబో హీరో నిఖిల్, డైరెక్టర్ సుధీర్ వర్మల కలయికలో రూపొందుతున్న మూడో చిత్రమిది. అక్టోబర్ 25 నుంచి షూటింగ్ ప్రారంభం అవుతుంది. తొలి షెడ్యూల్ను 40 రోజుల పాటు లండన్లో చిత్రీకరించనున్నారు. ఈ భారీ యాక్షన్ ఎంటర్టైనర్కు కార్తీక్ సంగీత సారథ్యం వహిస్తున్నారు. రిచర్డ్ ప్రసాద్ సినిమాటోగ్రఫీ అందిస్తున్నారు. త్వరలోనే ఇతర నటీనటులు, సాంకేతిక నిపుణుల వివరాలను తెలియజేస్తామని చిత్ర యూనిట్ తెలియజేశారు.
- – Follow us for Latest Telugu Zee Cinemalu News and upcoming trending stories, Gossips, Actress Photos and Special topics