నాని సినిమాతో మరోసారి?

తాజాగా ‘జెంటిల్ మన్’ తో తెలుగులో ఎంట్రీ ఇచ్చి తొలి సినిమాతోనే అందర్నీ తనవైపు తిప్పుకున్న మలయాళీ భామ నివేత థామస్ మరో సినిమాతో అలరించాడనికి రెడీ అవుతుంది. ‘జెంటిల్ మన్’ తరువాత మరో సినిమాకు సైన్ చెయ్యని ఈ అమ్మడు తాజాగా ఓ సినిమా సైన్ చేసిందట.

తాజాగా నివేత సైన్ చేసిన ఆ సినిమాలో హీరో మరెవరో కాదు నానినే. ప్రస్తుతం దిల్ రాజు నిర్మిస్తున్న ‘నేను లోకల్’ లో నటిస్తున్న నాని ఈ సినిమా తరువాత శివశంకర్ అనే కొత్త దర్శకుడితో సినిమా చేసేందుకు రెడీ అవుతున్నాడట. డి.వి.వి.దానయ్య నిర్మించనున్న ఈ సినిమాలో నాని సరసన మరోసారి కథానాయికగా నటించనుందట ఈ ముద్దుగుమ్మ. మరి ఈ ఇద్దరి కాంబినేషన్ లో రానున్న ఈ రెండో సినిమా మరో సూపర్ హిట్ అయితే టాలీవుడ్ హిట్ జంటల్లో నాని-నివేత కూడా చేరిపోవడం ఖాయం.