Geetha Govindam : బ్లాక్ బస్టర్ బొమ్మకు రెండేళ్లు

Saturday,August 15,2020 - 01:54 by Z_CLU

మెగా నిర్మాత అల్లు అరవింద్ సమర్పణలో GA2 పిక్చర్స్ పతకం పై సక్సెసఫుల్ ప్రొడ్యూసర్ బన్నీ వాసు నిర్మించిన సినిమా “గీతగోవిందం”. టాలెంటెడ్ డైరెక్టర్ పరుశురాం తెరకెక్కించిన ఈ సినిమా లో హప్పెనింగ్ హీరో, రౌడీ స్టార్ విజయ్ దేవరకొండ, కన్నడ బ్యూటీ రష్మిక మందాన గోవింద్, గీత పాత్రల్లో ఒదిగిపోయారు. అలానే గోపి సుందర్ మ్యూజిక్ ఈ సినిమాకు మరొక అసెట్.

రెండేళ్లు క్రితం సరిగ్గా ఇదే రోజు (ఆగష్టు 15న) ప్రపంచ వ్యాప్తంగా విడుదలై 100 కోట్లకు పైగా కలెక్షన్స్ సాధించి, బ్లాక్ బస్టర్ హిట్ గా నిలిచింది Geetha Govindam.

*పరుశరామ్ డైరెక్షన్ స్కిల్స్*

మొదటి నుంచి అన్ని వర్గాలు ప్రేక్షకులును ఆకట్టుకునే రీతిన కమర్షియల్ ఎంటెర్టైనెర్స్ రూపొందిస్తున్న Parasuram గీతగోవిందం సినిమాతో టాప్ లీగ్ లోకి వెళ్లిపోయారు. ఈ చిత్రాన్ని థియేటర్ కి వెళ్లి హాయిగా చూసి నవ్వుకొని, ఎంజాయ్ చేసి వచ్చే రీతిన మలచడంలో పరుశరామ్ కీలకం అని చెప్పాలి. కథ ఎక్కడ గాడి తప్పకుండా అందులోనే కమర్షియల్ అంశాలు జోడించి, గీతగోవిందం ను బ్లాక్ బస్టర్ సినిమాగా మార్చి తన ప్రతిభను నిరూపించుకున్నారు. అలానే సినిమాటోగ్రాఫర్ ఎస్ మణికందన్ కెమెరా పనితనం ఈ చిత్రాన్ని ఓ విజువల్ ఫీస్ట్ గా మార్చేసింది.

                    గీతగోవిందం FULL MOVIE

*గీతా ఆర్ట్స్ ప్రోడక్ట్*

గీతా ఆర్ట్స్ కాంపౌండ్ నుంచి ఏ సినిమా వచ్చిన, అది ఓ రేంజ్ సక్సెస్ ఇస్తుందనే నమ్మకాన్ని GeethaGovindam మరోసారి రుజువు చేసింది. మెగా ప్రొడ్యూసర్ అల్లు అరవింద్ గారి నిర్మాణ సారథ్యంలో, బన్నీ వాసు నిర్మాతగా వచ్చిన ఈ సినిమా 100 కోట్లు కలెక్ట్ చేయడంలో గీతా ఆర్ట్స్ సినిమా అనే బ్రాండ్ గీత గోవిందం పై ఉండటమే ముఖ్య కారణం.

*విజయ్ దేవరకొండను ఫామిలీ ఆడియన్స్ కి దగ్గర చేసిన సినిమా*

అర్జున్ రెడ్డి తరువాత వస్తున్న సినిమా కావడం తో గీతగోవిందం పై భారీ అంచనాలే ఏర్పడ్డాయి. ఐతే అర్జున్ రెడ్డి ని ఎక్కువుగా యూత్ ఫాలో ఐయ్యారు. కానీ గీతగోవిందం తో అటు యూత్ ని ఇటు ఫ్యామిలీ ఆడియన్స్ ని ఒకేసారి సంపాదించుకున్నారు Vijay Deverakonda. అలానే కెర్రిర్ బిగ్గెస్ట్ బ్లాక్ బస్టర్ కూడా గీతగోవిందం రూపంలో విజయ్ ఖాతాలోకి వచ్చి చేరింది. అలానే ఈ సినిమా లో గీత గా నటించిన Rashmika కూడా ఓవర్ నైట్ స్టార్ ఐపోయింది.

*మరుపురాని గీతం ఇంకేం ఇంకేం కావాలె*

ఈ దశాబ్ధపు మరుపురాని గీతాల్లో గీతగోవిందం మ్యూజిక్ ఆల్బమ్ లో ఉన్న ఇంకేం ఇంకేం కావాలె పాట టాప్ 3 పోసిషన్ లో ఉండటం ఖాయం. ఈ పాట రిలీజైన దగ్గర్నుంచే గీతగోవిందం సినిమాకు వీపరీతమైన క్రేజ్ వచ్చిన సంగతి తెలిసిందే. ఇప్పటి వరకు ఈ పాటకు దాదాపు మూడు వందల ఏభై ఐదు మిలియన్ వ్యూస్ వచ్చాయి అంటే ఈ పాటని ప్రేకక్షులు యే రేంజ్ లో విన్నారో అర్ధం చేసుకోవచ్చు.

మొత్తంగా గీతగోవిందం మ్యూజికల్ బ్లాక్బస్టర్ గా రికార్డ్స్ బ్రేక్ చేసి ఈ రోజుతో రెండేళ్లు పూర్తి చేసుకుంది.