ఫ్రైడే రిలీజ్

వెరైటీ సినిమాలతో ఈ వీకెండ్ కూడా ఫిక్సయిపోయింది. కామెడీ, క్రైం, యాక్షన్, యూత్ ఎంటర్ టైనర్స్ తో సినిమా స్ట్రీట్ సిద్ధమైపోయింది. డీమానిటైజేషన్ ఎఫెక్ట్ కూడా అటు ఫిలిం మేకర్స్, ఇటు ఫిలిం లవర్స్ మధ్య బ్యారియర్ కట్టలేకపోయింది. ఈ ఫ్రైడే కి సూపర్ హిట్ గ్యారంటీ అంటూ కాన్ఫిడెంట్ గా బరిలోకి దిగుతున్నాయి కలర్ ఫుల్ ఎంటర్ టైనర్స్.

కమెడియన్ గా సిల్వర్ స్క్రీన్ కి పరిచయమైన సప్తగిరి ఫస్ట్ టైం ఫుల్ ఫ్లెజ్డ్ హీరోగా నటించిన సినిమా సప్తగిరి ఎక్స్ ప్రెస్. అరుణ్ పవార్ డైరెక్షన్ లో తెరకెక్కిన ఈ కామెడీ ఎంటర్ టైనర్ మ్యాగ్జిమం టాలీవుడ్ కమెడియన్స్ తో, కిరాక్ కామెడీ ఎలిమెంట్స్ రెడీ అయిపోయింది. ఈ సినిమాలో సప్తగిరి పోలీస్ కానిస్టేబుల్ గా నటించాడు.   

రియల్ టైం క్రైం థ్రిల్లర్ గా తెరకెక్కిన వంగవీటి కూడా ఈ ఫ్రైడే సినిమాలో వరసలో నిలబడింది. రామ్ గోపాల్ వర్మ డైరెక్షన్ లో తెరకెక్కిన ఈ సినిమా, ట్రైలర్ రిలీజ్ అయినప్పటి నుండే కాన్సంట్రేషన్ మొత్తం తనవైపు తిప్పుకుంది. సినిమా సూపర్ హిట్ గ్యారంటీ అని రాము చెప్పుకోడు కానీ, ఫ్యాన్స్ మాత్రం ఈ సినిమా కోసం ఇప్పటికే సూపర్ ఎగ్జైటెడ్ గా ఉన్నారు.

డైనమిక్ స్టార్ విశాల్, మిల్కీ బ్యూటీ తమన్నా నటించిన ఒక్కడొచ్చాడు కూడా ఈ ఫ్రైడే కే ఫిక్సయింది. సూరజ్ డైరెక్షన్ లో తెరకెక్కిన ఈ సినిమాలో జగపతి బాబు పవర్ ఫుల్ పోలీసాఫీసర్ గా నటించాడు. హెవీ యాక్షన్ ఎలిమెంట్స్ తో, థ్రిల్లింగ్ కాన్సెప్ట్ తో తెరకెక్కిన ఒక్కడొచ్చాడు ఈ ఫ్రైడే నుండి థియేటర్స్ లో దుమ్ము రేపడానికి రెడీ గా ఉంది.

KV అనుదీప్ డైరెక్షన్ లో తెరకెక్కిన పిట్టగోడ కూడా ఆల్ రెడీ ఎడిటింగ్ రూమ్ కాంపౌండ్ వాల్ దాటి రిలీజ్ కి రెడీగా ఉంది. సురేష్ ప్రొడక్షన్స్ బ్యానర్ పై రిలీజ్ అవుతున్న ఈ సినిమా సురేష్ బాబు గారి బర్త్ డే సందర్భంగా డిసెంబర్ 24 న రిలీజ్ అవుతుంది. పక్కా యూత్ ఫుల్ ఎంటర్ టైనర్ గా తెరకెక్కిన ‘పిట్టగోడ’  సూపర్ హిట్ గ్యారంటీ అని కాన్ఫిడెంట్ గా ఉంది సినిమా యూనిట్.