NBK107 - విలన్ ఫస్ట్ లుక్ వచ్చేసింది

Duniya Vijay As Musali Madugu Pratap Reddy In Balakrishna, Gopichand Malineni’s #NBK107

నటసింహ నందమూరి బాలకృష్ణ సక్సెస్ ఫుల్ దర్శకుడు గోపీచంద్ మలినేనిల హై ఇంటెన్స్ మాస్, కమర్షియల్ ఎంటర్టైనర్ ప్రస్తుతం హైదరాబాద్లో చిత్రీకరణ జరుగుతోంది. ఇందులో ప్రధాన తారాగణం పాల్గొంటుంది. తాత్కాలికంగా పెట్టిన #NBK107 టైటిల్ వున్న ఈ సినిమాతో కన్నడ స్టార్ దునియా విజయ్  టాలీవుడ్లోకి  ప్రవేశించారు.

ముసలి మడుగు ప్రతాప్ రెడ్డిగా దునియా విజయ్ ని పరిచయం చేస్తూ, ఈ చిత్రం నుండి అతని ఫస్ట్ లుక్ నేడు విడుదలైంది.  సిగరెట్ తాగుతూ పోస్టర్లో రఫ్ గానూ సీరియస్ లుక్ లో కనిపించాడు. ఆయన గెటప్ తో సినిమాలో ఆయన నటిస్తున్న పవర్ ఫుల్ రోల్ ను తెలియజేస్తుంది. దునియా విజయ్ ఇప్పటికే షూట్ లో జాయిన్ అయ్యాడు.

టాలీవుడ్ ప్రముఖ నిర్మాణ సంస్థ మైత్రీ మూవీ మేకర్స్ ఈ ప్రాజెక్ట్ను ప్రతిష్టాత్మకంగా నిర్మిస్తోంది. బాలకృష్ణ సరసన శృతిహాసన్ హీరోయిన్గా నటిస్తున్న ఈ చిత్రంలో వరలక్ష్మి శరత్ కుమార్ కీలక పాత్రలో కనిపించనున్నారు.

నవీన్ యెర్నేని, వై రవిశంకర్ ఈ చిత్రాన్ని భారీ ఎత్తున నిర్మిస్తున్నారు. గోపీచంద్ మలినేని  చిత్రాలు సాంకేతికంగా ఉన్నత స్థాయిని కలిగి ఉంటాయి.అందుకే NBK 107 కోసం కొంతమంది అగ్రశ్రేణి సాంకేతిక నిపుణులు పనిచేస్తున్నారు.

ఎస్ థమన్ సంగీతం సమకూరుస్తున్నారు. రిషి పంజాబీ సినిమాటోగ్రఫీ బాధ్యతలు చేపట్టారు. ప్రఖ్యాత రచయిత సాయి మాధవ్ బుర్రా డైలాగ్స్ అందించగా, నేషనల్ అవార్డ్ విన్నర్ నవీన్ నూలి ఎడిటింగ్, ఎఎస్ ప్రకాష్ ప్రొడక్షన్ డిజైనర్. రామ్-లక్ష్మణ్ ద్వయం ఫైట్స్ కొరియోగ్రాఫ్  చేస్తున్న ఈ చిత్రానికి చందు రావిపాటి ఎగ్జిక్యూటివ్ ప్రొడ్యూసర్.