ఓవర్సీస్ లో డీజే వసూళ్లు

విడుదలైన మొదటి రోజు నుంచి ఓవర్సీస్ లో డీజే హంగామా కొనసాగుతూనే ఉంది.  శుక్రవారం 5లక్షల 42వేల డాలర్లు ఆర్జించిన ఈ సినిమా, శనివారం శనివారం 2లక్షల 20వేల డాలర్లు కొల్లగొట్టింది. ఇప్పటికే అటుఇటుగా 7లక్షల 50వేల డాలర్లు ఆర్జించిన ఈ సినిమా.. త్వరలోనే మిలియన్ డాలర్ క్లబ్ లోకి చేరనుంది. బన్నీ కెరీర్ లో అత్యంత వేగంగా మిలియన్ క్లబ్ లోకి చేరిన సినిమాగా రికార్డు సృష్టించనుంది డీజే.

డీజే కూడా మిలియన్ డాలర్లు ఆర్జిస్తే.. ఈ క్లబ్ లోకి వరుసగా మూడోసారి చేరిన హీరోగా బన్నీ రికార్డు సృష్టిస్తాడు. ఇప్పటికే సరైనోడు, సన్నాఫ్ సత్యమూర్తి సినిమాలు ఓవర్సీస్ లో 10లక్షల డాలర్లు ఆర్జించాయి. డీజేకు కూడా 10లక్షల డాలర్లు వస్తే.. మిలియన్ డాలర్ క్లబ్ లో హ్యాట్రిక్ కొట్టిన హీరోగా నిలుస్తాడు అల్లు అర్జున్.