రొమాన్స్+యాక్షన్.. డియర్ కామ్రేడ్ టీజర్

విజయ్ దేవరకొండ నుంచి మరో మూవీ రెడీ అయింది. మరీ ముఖ్యంగా గీతగోవిందం జోడీ విజయ్ దేవరకొండ, రష్మిక కలిసి నటిస్తున్న సినిమా ఇది. అదే డియర్ కామ్రేడ్. టైటిల్, ఫస్ట్ లుక్ తోనే అందర్నీ ఎట్రాక్ట్ చేసింది ఈ సినిమా. ఇప్పుడు వాటికి ఏమాత్రం తగ్గకుండా టీజర్ కూడా రిలీజైంది.

డియర్ కామ్రేడ్ అనే టైటిల్ కు తగ్గట్టు.. సినిమా థీమ్ ను ఎలివేట్ చేస్తూ.. టీజర్ కట్ చేశారు. కేవలం ఓ యాక్షన్ సీక్వెన్స్, మరో రొమాంటిక్ సీన్ ను మాత్రమే టీజర్ చూపించి అంచనాల్ని పెంచేశారు. స్టూడెంట్ లీడర్ గా విజయ్ దేవరకొండను, అతడి లవర్ గా రష్మికను చూపించారు.

భరత్ కమ్మ డైరక్షన్ లో తెరకెక్కుతున్న ఈ సినిమాను మే 31న ప్రపంచవ్యాప్తంగా విడుదల చేయబోతున్నారు. మైత్రీ మూవీ మేకర్స్, బిగ్ బెన్ సినిమాస్ సంయుక్తంగా నిర్మిస్తున్న ఈ సినిమాకు జస్టిన్ ప్రభాకరన్ సంగీతం అందిస్తున్నాడు.